Türkiye bolu xelqi taylandtiki Uyghurlargha ige chiqti

Ixtiyariy muxbirimiz erkin tarim
2014-04-08
Élxet
Pikir
Share
Print
Türk ojaqliri shöbisining mes'ullirini ishxanisida kütüwalghan bash ministirliq idarisining mes'uli mehmet ali balli ependi (otturida). 2014-Yili aprél, türkiye.
Türk ojaqliri shöbisining mes'ullirini ishxanisida kütüwalghan bash ministirliq idarisining mes'uli mehmet ali balli ependi (otturida). 2014-Yili aprél, türkiye.
RFA/Erkin Tarim

Xitaydin qéchip taylandqa kelgen 220 Uyghurning qiyin ehwalda ikenlikini türk hökümitige we türk jama'etchilikige anglitish üchün türkiyening eng chong ammiwi teshkilatliridin biri bolghan türk ojaqlirining bolu wilayetlik shöbisi imza yighish pa'aliyiti ötküzgen.

Ikki hepte dawamlashqan imza yighish pa'aliyiti axirlashqandin kéyin, taylandtiki 220 Uyghur türkiyege élip kélinsun dep on minglighan kishi qol qoyghan qeghez türkiye bash ministirliq idarisi tarmiqidiki chet'eldiki türkler we qérindash milletler idarisige apirip bérilgen.

http://www.boluhavadis.net/Yasam-kardeslerimize-sahip-ciktilar-30000.html Namliq tor gézitide élan qilin'ghan xewerge asaslan'ghanda, türkiyening bolu wilayitidin bu imza qoyulghan qeghezni élip barghan türk ojaqliri shöbisining mes'ullirini ishxanisida kütüwalghan bash ministirliq idarisining mes'uli mehmet ali balli ependi, türk ojaqliri teshkilatining Uyghurlargha köngül bölgenliki üchün rehmet éytidighanliqini ipadiligendin kéyin, türkiye hökümitining bu heqtiki xizmetliri toghrisida melumat bergen.

Diplomatiyelik uchrishishlar dawamlashmaqta

Türkiye bash ministirliqi chet'eldiki türkler we qérindash milletler idarisi ijtima'iy we medeniyet ishliri bashqarmisi mudiri mehmet aliy balli ependining déyishiche, taylandtiki 220 Uyghurning mesilisi toghrisida 3 türk diplomat tayland hökümiti bilen körüshüwatqan iken. U bergen melumatlargha asaslan'ghanda, türkiyening meqsiti bu 220 Uyghurning taylandtiki turmush shara'itini yaxshilap bérish we Uyghurlar yashawatqan lagérni birleshken döletler teshkilatining bashqurushigha tapshurup bérishtin ibaret iken. Mehmet aliy balli ependi, mezkur 220 Uyghurning ichide türkiye grazhdani bolghanlarningmu barliqini, türkiyening bulargha yéqindin köngül bölüwatqanliqini bayan qilghan. U, sözining axirida xitay hökümitining taylandtiki 220 Uyghurni qayturup élip kétish üchün tayland hökümitige bésim ishlitiwatqanliqini éytqan.

Bolu türk ojaqliri teshkilati yashlar komitétining mes'ulliri 220 Uyghurni türkiyege élip kélish üchün toplighan imza qeghezlirini mudir memet aliy balli ependige tapshurup bergendin kéyin uninggha, 220 Uyghurni xitaygha tapshurup bergen teqdirde ulargha ölüm jazasi béridighanliqini yaki türmige tashlinidighanliqini éytip qérindash türkiye jumhuriyitining Uyghurlargha ige chiqishi kéreklikini yene bir qétim tekitligen.

Taylandtiki 220 Uyghur toghrisidiki resim we xewerler ijtima'iy taratqularda tarqitilghandin kéyin türkiyediki ammiwi teshkilat mes'ulliri, bezi parlamént ezaliri we bezi sheher bashliqliri bayanat élan qilip, türkiye hökümiti taylandtiki 220 Uyghurni türkiyege élip kelse térilghu yer bérip jaylashturidighanliqlirini bayan qilishmaqta.

Undaqta türkiyening xelq'ara musapirlar qanuni boyiche türkiyege élip kélish hoquqi barmu? xitaygha qayturup bérilgen teqdirde bularning aqiwiti néme bolar? dégen'ge oxshash so'allargha jawab tépish üchün xelq'ara munasiwetler mutexessisi dr. Erkin ekrem bilen söhbet élip barduq.

Pikirler (1)
Share

Isimsiz oqurmen

Watan ga tel fun kigan da nimix ka arkin asiya daysila ulani gapka kuyap sila uzaglini watanga kuyup turup oylagla

Apr 11, 2014 02:37 PM

Toluq bet