Türkiyening erzurum we qeyseri sheherliride naraziliq pa'aliyetliri ötküzüldi

Ixtiyariy muxbirimiz erkin tarim
2014-01-13
Share
seyit-tumturk-zhurnalistlar-jemiyiti-uyghur-doppa.JPG Séyit tümtürk ependi qeyseri zhurnalistlar jem'iyitining re'isi weli altinqaya ependige Uyghur doppisi teqdim qiliwatqan körünüsh. 2014-Yili 10-yanwar, türkiye.
RFA/Erkin Tarim

Dunya Uyghur qurultiyining chaqiriqigha bina'en qeyseride pa'aliyet élip bériwatqan sherqiy türkistan medeniyet we hemkarliq jem'iyiti qeyseride, “Ötüken” zhurnili türkiyening sherqige jaylashqan erzurum shehiride xitaygha qarshi naraziliq pa'aliyiti ötküzdi.

Sherqiy türkistan medeniyet we hemkarliq jem'iyiti re'isi séyit tümtürk, bash katipi abdulhekim selchuq, mu'awin re'is emrullah efendigil ependi, “Kökbayraq” zhurnili tehriri dursun süydünlü qatarliq kishilerdin terkib tapqan hey'et 10-yanwar küni qeyseri zhurnalistlar jem'iyitide muxbirlarni kütüwélish yighini chaqirdi. Hey'etni qeyseri zhurnalistlar jem'iyitining re'isi weli altinqaya ependi qizghin kütüwaldi. Séyit tümtürk ependi qeyseri zhurnalistlar jem'iyitining re'isi weli altinqaya ependige Uyghur doppisi we kökbayraq zhurnili teqdim qildi. Arqidin muxbirlarni kütüwélish yighini ötküzüldi.

Köp sanda téléwiziye, gézit we zhurnallarning muxbirliri qatnashqan mezkur muxbirlarni kütüwélish yighinida, séyit tümtürk ependi, xitay hökümitining bigunah Uyghurlarni esebiy dinchi, bölgünchi dep eyiblep qetli qiliwatqanliqini, sherqiy türkistanda meydan'gha kéliwatqan weqelerni dunyagha térrorchiliq weqesi dep anglitiwatqanliqini éytti. U, muxbirlargha bergen bayanatida, xitay kompartiyisining Uyghurlargha élip bériwatqan bésim siyasitining 64 yildin buyan dawamlishiwatqanliqi, Uyghurlarning héchqachan xitayning bu mustemlike siyasitige boyun egmigenlikini bayan qildi.

Tor gézitliride élan qilin'ghan xewerlerge asaslan'ghanda, sherqiy türkistan medeniyet we hemkarliq jem'iyiti re'isi séyit tümtürk ependi muxbirlarni kütüwélish yighinida yene köpligen mesililerni otturigha qoyghan.

11-Yanwar küni türkiyening sherqidiki erzurum shehirining merkizige jaylashqan lalapasha meschitining aldida xitaygha qarshi naraziliq namayish ötküzüldi. “Ötüken” zhurnilining erzurumda turushluq wekilliri teripidin uyushturulghan bu namayishqa köp sanda kishi qatnashti. Namayishta muxbirlargha metbu'at bayanati oqup ötüldi. Ular bayanatta aldi bilen sherqiy türkistanning, Uyghur idiqutluqi, qaraxaniylar sulalisi, seyidiyiler döliti we sherqiy türkistan jumhuriyetlirige ige bolghan türklerning ata yurti ikenlikini, xitaylarning Uyghurlargha élip bériwatqan bésim siyasitini toxtitishini tekitlidi. Ular muxbirlargha bergen bayanatida yene türk hökümitini tili we dini oxshash bolghan Uyghurlargha ige chiqishining shert ikenlikini eskertti. Namayishchilar qollirida, türkiyening bayriqi bilen Uyghurlarning ayyultuzluq kök bayriqini kötürgen halda namayish meydanidin uzaqlashti. Bu pa'aliyet türk axbarat wasitiliridimu orun aldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet