Türkiye eskisheherde qarabagh mesilisi bilen birlikte Uyghur mesilisimu anglitildi

Ixtiyariy muxbirimiz erkin tarim
2016.02.23
Share on WhatsApp
Share on WhatsApp
ganire-pashayewa-xanim-mujahit-qeshqerli.jpg

Eskisheherde qarabagh mesilisi bilen birlikte Uyghur mesilisi anglitilghan yighin'gha teklip bilen qatnashqan ezerbeyjan parlamént ezasi ganire pashayéwa xanim bilen kichik mujahit qeshqerli. 2016-Yili 19-féwral, türkiye. RFA/Erkin Tarim

parlament-ezasi-ganire-pashayewa.jpg

Eskisheherde qarabagh mesilisi bilen birlikte Uyghur mesilisi anglitilghan yighin'gha teklip bilen qatnashqan ezerbeyjan parlamént ezasi ganire pashayéwa xanim sözlimekte. 2016-Yili 19-féwral, türkiye. RFA/Erkin Tarim

ganire-pashayewa-xanim-mujahit-qeshqerli-1.jpg

Eskisheherde qarabagh mesilisi bilen birlikte Uyghur mesilisi anglitilghan yighinda kichik mujahit qeshqerli ezerbeyjan parlamént ezasi ganire pashayéwa xanimgha Uyghur doppisi teqdim qildi. 2016-Yili 19-féwral, türkiye. RFA/Erkin Tarim

ganire-pashayewa-xanim-mujahit-qeshqerli-2.jpg

Eskisheherde qarabagh mesilisi bilen birlikte Uyghur mesilisi anglitilghan yighinda ezerbeyjan parlamént ezasi ganire pashayéwa xanim bilen kichik mujahit qeshqerli ayyultuzluq kökbayraqni tutup xatire sürette. 2016-Yili 19-féwral, türkiye. RFA/Erkin Tarim

mujahit-qeshqerli-sheir-diklimatsiye-qilmaqta.jpg

Eskisheherde qarabagh mesilisi bilen birlikte Uyghur mesilisi anglitilghan yighin'gha teklip bilen qatnashqan kichik mujahit qeshqerli shé'ir déklamatsiye qilmaqta. 2016-Yili 19-féwral, türkiye. RFA/Erkin Tarim

turkiyede-uyghur-mesilisi-eskisheher-3.jpg

Eskisheherde échilghan qarabagh mesilisi bilen birlikte Uyghur mesilisi anglitilghan yighin'gha qatnashquchilar. 2016-Yili 19-féwral, türkiye. RFA/Erkin Tarim

turkiyede-uyghur-mesilisi-eskisheher-2.jpg

Eskisheherde échilghan qarabagh mesilisi bilen birlikte Uyghur mesilisi anglitilghan yighin'gha qatnashquchilar. 2016-Yili 19-féwral, türkiye. RFA/Erkin Tarim

turkiyede-uyghur-mesilisi-eskisheher-1.jpg

Eskisheherde échilghan qarabagh mesilisi bilen birlikte Uyghur mesilisi anglitilghan yighin'gha qatnashquchilar. 2016-Yili 19-féwral, türkiye. RFA/Erkin Tarim

19-Féwral küni kech sa'et 7 de türkiyening ottura rayonigha jaylashqan eskishehir shehiride “Xojali qirghinchiliqi we qarabagh mesilisi” témisida doklat bérish yighini ötküzüldi.

Eskishehir ezerbeyjanliqlar jem'iyiti, eskishehir sheherlik hökümet teripidin uyushturulghan yighinda, yighin'gha kichik mujahit qeshqerli teklip boyiche qatniship Uyghurlar toghrisida shé'ir déklamatsiye qilip, yighin ehlining qattiq alqishigha érishti. Tepebashi kültür merkizide ötküzülgen yighinda ezerbeyjan parlamént ezasi ganire pashayéwa xanim alahide teklipke bina'en ezerbeyjandin kélip doklat bergen bolup, u nutqida 1991-yili 2-ayning 19-küni erméniye armiyesining ezerbeyjanning qarabagh dégen jayigha bésip kirip, qéri yash, ayal we bala démestin köp sanda puqrani öltürüwetkenlikini, u zéminning téxighiche ermeniyelerning ishghali astida ikenlikini anglatqandin kéyin, xitayning Uyghurlargha élip bériwatqan bésim siyasiti toghrisidimu toxtaldi. Pütün türkiy xelq yashlirini Uyghur mesilisige köngül bölüshke chaqirdi.

Yighinda söz qilghan ezerbeyjan parlamént ezasi ganire pashayéwa xanim türkiy xelqler birlik we ittipaq bolsila arzu qilghan kéléchekke érisheleydighanliqini bayan qilip mundaq dédi: “Bundin kéyin men, sen, u démeymiz, biz deymiz. Eger biz déyishte muweppeqiyetlik bolsaq, biz dep yolgha chiqsaq, biz dep turup küresh qilsaq, biz arzu qilghan kélechek bar. Eger bundaq bolmisa, xojali qirghinchiliqining 27-yilidimu, 30-yillidimu bir özgirish bolmaydu. Ittipaq bolsaq, bu jinayetni ötküzgenlerni adalet aldigha élip chiqip hésab soriyalaymiz.”

Ezerbeyjan parlamént ezasi ganire pashayéwa xanim doklatida dunyadiki pütün türkiy xelqlerni ittipaqliship, türk dunyasidiki qirim, Uyghurlar diyari, qarabagh we iraq, süriyediki türkmenlerning mesililirige ige chiqishqa chaqirip mundaq dédi: “Eger birlik we ittipaq bolalmisaq, türkmen téghida, téximu échinishliq weqeler meydan'gha kélidu. Iraqning kerkük we telaper wilayetliride türkmenmu qalmaydu. Qirimdiki derdimiz téximu küchiyidu. Sherqiy türkistandimu shundaq bolidu. Buni yashlirimiz bilishi kérek. Dunyada shundaq bir qa'ide bar, küchlük bolsang özüngni qoghdiyalaysen, küchlük bolmisang özüngni qoghdiyalmaysen. Shunga pütün türkiy xelqler birlik, ittipaqliqni kücheytishi kérek. Shundaq qilghandila küchlük bolup öz heq we hoquqlirini qoghdiyalaydu. Türk dunyasi qirim tatarlirining mesilisige, ezerbeyjanning qarabagh mesilisige, sherqiy türkistan mesilisige, iraq we süriyediki türkmen qérindashlirigha ige chiqishi kérek. Méning mesilem, séning mesileng démestin, türk dunyasining pütün mesililirige ige chiqishimiz kérek.”

Doklat bérish yighini axirlashqandin kéyin, téximu tepsiliy melumat igilesh üchün zhurnalist mirkamil qeshqerli ependi bilen söhbet élip barduq. U, aldi bilen doklat bérish yighinining nahayiti yaxshi ötkenlikini, 5 ammiwi teshkilat bilen eskishehir sheherlik hökümet ortaq uyushturghan bu pa'aliyetke köp sanda kishining qatnashqanliqini bayan qildi.

Mirkamil qeshqerli ependi qarabagh ishghalining 25-yilliqi munasiwiti bilen ötküzülgen doklat bérish yighinida Uyghur mesiliningmu nuqtiliq halda anglitilghanliqini, mujahit qeshqerlining Uyghur kéyimliri bilen sehnige chiqip, “Sherqiy türkistan oghlimen” dégen shé'irni oqup kishilerning qattiq alqishigha érishkenlikini, ezerbeyjanliq parlamént ezasi pashayéwa xanimning doklatida türkiy xelqlerni bolupmu yashlarni birlikke chaqirghanliqini bayan qildi.

8 Yashtiki müjahit qeshqerli 3 yash waqtida sha'ire nur'ela göktürk xanim yazghan “Biz kimler?” dégen shé'irni déklamatsiye qilip dang chiqarghan idi. U, 5 yildin béri türkiyening her qaysi jaylirida ötküzülgen yighilishlarda we téléwiziyelerde shé'ir déklamatsiye qilish arqiliq Uyghurlarning awazi bolmaqta. U, hazir 15 etrapida uzun dastan we shé'irni yadqa bilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.