Түркийәниң сабиқ дөләт рәиси абдуллаһ гүл уйғур мусапирлар тоғрисида мәлумат алди

Ихтиярий мухбиримиз әркин тарим
2015-03-03
Share
abdullah-gul-seyit-tumturk.JPG Түркийә дөләт рәиси абдуллаһ гүл қәйсәри әркиләт айродромида д у қ муавин рәиси сейит түмтүркни қобул қилип, малайшия арқилиқ қәйсәригә кәлгән уйғур мусапирлар тоғрисида мәлумат игилимәктә. 2015-Йили 26-феврал, түркийә.
RFA/Erkin Tarim

Түркийә дөләт рәиси абдуллаһ гүл 26-феврал күни чүштин кейин қәйсәри әркиләт айродромида д у қ муавин рәиси сейит түмтүркни қобул қилип, малайшия арқилиқ қәйсәригә кәлгән уйғур мусапирлар тоғрисида мәлумат игилигән.

15 Минут давамлашқан бу учришишта сейит түмтүрк әпәнди, түркийәниң сабиқ дөләт рәиси абдуллаһ гүлгә қәйсәригә 800 әтрапида мусапир уйғурниң орунлаштурулғанлиқини, бу уйғурларға қәйсәри валий мәһкимиси, қәйсәри шәһәрлик һөкүмитиниң шундақла қәйсәри хәлқиниң ярдәм қилиши билән һазир уларниң һечқандақ қийинчилиқиниң қалмиғанлиқини ейтқан. Сейит түмтүрк әпәнди сөзиниң ахирида хитайниң зулуминиң күнсайин күчийиватқанлиқини, хитайниң уйғурларниң тилини вә динини чәкләш сияситиниң техиму күчәйгәнликини түркийәниң бу тоғрилиқ хитай дөлити билән сөзлишиши керәкликини ейтқан.

Дөләт рәиси абдуллаһ гүл, сейит түмтүркниң уйғурлар тоғрисида бәргән мәлуматини аңлиғандин кейин мундақ дегән: “қәйсәригә кәлгән уйғур мусапирларниң хатирҗәм болуши үчүн дөләт вә хәлқ өз бурчини ада қилиду, уйғурлар билән түркләр тили, дини вә өрп-адити охшаш қериндаш милләт. Бизму бундин миң йил бурун шу земиндин кәлгән, шуңа түрк дөлити, түрк хәлқи уйғур қериндашлиримиз үчүн қолимиздин кәлгәнни қилимиз.”

Абдуллаһ гүл 2007-йили 8-айниң 28-күнидин 2014-йили 8-айниң 28-күнигичә түркийә җумһурийитиниң дөләт рәислик вәзиписини өтиди. У, бу җәрянда 2009-йили 6-айда үрүмчини зиярәт қилди, 5-июл үрүмчи вәқәси болғанда қәйсәридики уйғур мәһәллисигә берип уйғурлардин һал сориди. 2014-Йили қурбан һейтида уйғур шеһитларға атап қурбанлиқ қилди. Түркийәниң сабиқ дөләт рәиси абдуллаһ гүл түркийәдә уйғур мәсилисини әң яхши билидиған алий рәһбәрләрдин бири һесаблиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт