يوپۇرغا ناھىيىسىدە تۈرمىدە ئۆلگەن سىياسىي تۇتقۇننىڭ 24 ياشلىق داۋۇت ساۋۇت ئىكەنلىكى ئېنىقلاندى

مۇخبىرىمىز شۆھرەت ھوشۇر
2014-09-29
Share
dawut-sawut-siyasiy-mehbus.jpg تۈرمىدە ئۆلگەن سىياسىي تۇتقۇن 24 ياشلىق داۋۇت ساۋۇت. (ۋاقتى ۋە ئورنى ئېنىق ئەمەس)
RFA

مۇخبىرىمىزنىڭ ئۆتكەن ھەپتىدىكى ئېنىقلاشلىرى داۋامىدا، يوپۇرغا ناھىيىسىدە بۇ يىل رامىزان مەزگىلىدە بىر ئۇيغۇر ياشنىڭ تۈرمىدە ئۆلگەنلىكى ئاشكارىلانغان، ئەمما ئۇنىڭ كىملىكى ۋە تۇتۇلۇش سەۋەبى ئاشكارىلانمىغان ئىدى.

مۇخبىرىمىزنىڭ بۈگۈنكى ئېنىقلاشلىرى داۋامىدا، ئۇنىڭ يوپۇرغا ناھىيە يوپۇرغا بازىرىنىڭ 7‏-كەنت 7‏-مەھەللە ئەزاسى 24 ياشلىق داۋۇت ساۋۇت ئىكەنلىكى ئېنىقلاندى.

مەلۇم بولۇشىچە، دېھقانچىلىقتىن باشقا قوشۇمچە ئاشپەزلىك بىلەن شۇغۇللىنىۋاتقان داۋۇت ساۋۇت، قانۇنسىز ئۈن-سىن بۇيۇملىرىنى ساقلاش ۋە تارقىتىش گۇمانى بىلەن تۇتۇلغان.

داۋۇت ساۋۇت تەۋە بولغان كەنت سېكرېتارىنىڭ پاش قىلىشىچە، رامىزاننىڭ ئالدىدا 7-كەنتنىڭ ئۆزىدىنلا 44 نەپەر ئۇيغۇر ياش مەزكۇر گۇمان بىلەن تۇتۇلغان بولۇپ، ئۇلارنىڭ كۆپىنچىسى ھېلىھەم يوپۇرغا قاماقخانىسىدا تۇتۇپ تۇرۇلماقتا.

ئاۋاز ئۇلىنىشىدىن، بۇ پروگراممىنىڭ تەپسىلاتىنى ئاڭلىغايسىلەر.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت