Бир сабиқ сиясий тутқунниң хитай түрмисидики күлпәтлири (2)

Ихтиярий мухбиримиз әркин тарим
2014-11-03
Share
adil-abdughopur-turme-kechurmish.JPG 17 Йиллиқ түрмә һаятида әқилгә сиғмайдиған бесим вә җазалаш усуллириға учриған адил абдуғопур әпәнди. 2014-Йили өктәбир, түркийә.
RFA/Erkin Tarim

17 Йиллиқ түрмә һаятида әқилгә сиғмайдиған бесим вә җазалаш усуллириға учриған адил абдуғопур әпәнди хитай түрмисидики күлпәтлирини аңлатти.

Йеқинда малайшия арқилиқ түркийәгә қечип кәлгән 50 яштики адил абдуғопур әпәндиниң өз һаят кәчүрмишлирини сөзләп беришичә, у 1991-йилидин 2010-йилиниң ахириғичә 2 қетим түрмигә ташланған болуп, җәмий 17 йилға йеқин вақит түрмидә ятқан.

Сабиқ сиясий тутқун адил абдуғопур әпәнди бүгүнки программимизда хитайниң тутқунларға елип барған күлпәтлирини мисаллар билән аңлатти.

Адил абдуғопур әпәнди хитайниң тутқунларға һәр йили бир қетим көп соал чиқирип синақ алидиғанлиқини, бу соалларға хитайниң хаһиши бойичә җаваб бәргән кишиләрниң динидин чиқидиғанлиқини, тоғра җаваб бәргән сиясий тутқунларниң еғир җазаларға дуч келидиғанлиқини билдүрди. У йәнә түрмидә пакиз су қойса тәрәт елип намаз қиливалмисун дәп көп кишигә бир дас су берип һәммә кишини мәйнәт суда йүзини ююшқа мәҗбурлиғанлиқини, узун йиллиқ түрмә һаятида нурғун тутқунларниң таяқ билән өлгәнлики вә җазаларға учриғанлиқини өз көзи билән көргәнликини ейтти.

Юқиридики аваз улинишидин мухбиримизниң адил абдуғопур әпәнди билән елип барған сөһбитини аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт