Қораллиқ сақчилар пидаийларни туталмай 500 мо қонақлиқни түзливәткән

Мухбиримиз шөһрәт һошур
2014.09.09
abdulla-abdurehim-uchturpan.jpg Гумандар абдулла абдуреһим
Photo: RFA

Хитай даирилири учтурпанда нәччә онмиң кишини мәҗбурий һәрикәткә кәлтүрүп издәватқан қап йүрәк пидаийлардин сулайман тохти билән абдулла абдуреһим буниңдин 20 күнчә аввал, ачитағ йезисидики бир етиз йолида йеза башлиқи мәмәт езиз вә кәнт секретари өмәр нияз билән доқурушуп қалған.

Икки башлиқ хизмәт көрситиш тәмәси билән икки пидаийни из қоғлап маңған. Йол ахириға тақашқанда пидаийлар мотсиклитидин чүшүп, арқисиға янғиничә икки башлиққа қарап етилған. Мотсиклитини ташлап қачқан йеза башлиқи әтрапқа “оқ чиқириңлар...” дәп товлап ялған һәйвә қилған. Пидаийлар яндики қонақлиққа чекингән. Икки саәттин кейин нәқ мәйданға йетип кәлгән қораллиқ қисим әтраптики 500 мо қонақлиқни ағдуруп түзливәткән. Әмма пидаийлар тәрипидин от қоюветилгән икки мотсиклиттин башқа һечнәрсә тапалмиған. Сулайман тохти билән абдулла абдуреһим болса йәнә ғайиб болған.

Юқиридики аваз улинишидин, бу вәқәниң тәпсилатини вәқә йүз бәргән кәнттики бир мәһәллә башлиқиниң баянлиридин аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.