73 Yashliq ghayib erzdar éli rishitning daxiyen türmiside ikenliki aydinglashti

Muxbirimiz shöhret hoshur
2015-02-09
Élxet
Pikir
Share
Print
Bir oghli melum bir xitay teripidin pichaqlinip öltürülgen bir boway, qatil qolgha ilinip uzun mezgil ötmeyla qoyup bérilgendin kéyin 9 yildin artuq erz qilghan. 2009-Yili 23 aprél.
Bir oghli melum bir xitay teripidin pichaqlinip öltürülgen bir boway, qatil qolgha ilinip uzun mezgil ötmeyla qoyup bérilgendin kéyin 9 yildin artuq erz qilghan. 2009-Yili 23 aprél.
RFA

Pichan yéngiyerlik erzdar éli rishit bultur ikkinchi ayda saqchilar teripidin öyidin tutup kétilgendin kéyin, iz-dériki bolmay kelgen idi. Ikki heptining aldida radi'omizgha bu heqte melumat bergen mezkur erzdarning oghli bügün muxbirimizning ziyaritini qayta qobul qilip, ötken heptining axiri ghayib dadisi bilen körüshüsh pursitige érishkenlikini melum qildi. Melum bolushiche, erzdar éli rishit nöwette daxiyen türmiside iken. Bir yildin buyan tunji qétim dadisini körüsh nésip bolghan oghul, dadisining közining türmide téximu nacharlashqanliqini, kishilerni pütünleyla tonumas halgha kelgenlikini bayqighan. Yene ashkarilinishiche, erzdarning adwokati erzdarning oghligha erzni toxtitip, dadisini képillikke élip chiqish teklipini sun'ghan, emma oghul dadisini képillikke élip chiqish üchün ehwalni chüshendüridighan orun we shexslerni tapalmighan.

Biz ikki heptining aldida, 73 yashliq erzdar éli rishitning bir yilning aldida öyidin tutup ekétilgenliki, emma a'ilisining hazirghiche iz-dérikini alalmaywatqanliqi heqqide xewer bergen iduq, mezkur a'ile bilen bügün qayta körüshüshimiz dawamida, uning turpandiki daxiyen türmiside ikenliki aydinglashti.

Melum bolushiche, mezkur a'ile erzdar éli rishitni türmidin képillikke achiqishni pilanlimaqta, emma a'ilining emeldarlar qatlimida héchqandaq alaqe tori bolmighachqa, nege bérish, kimge ehwal éytishni bilmey ganggirimaqta. Bayan qilinishiche, da'iriler yéqinqi 20 yildin buyan, erzdar éli rishitni erzdin toxtitip bolalmighandin kéyin, uning a'ile-tawabi'atliridin öch élip, ulargha türlük awarichiliklerni tughdurghan.

Mezkur oghul bu qétim dadisi bilen körüshkendin kéyin, uning béyjingda merkizi intizam tekshürüsh idarisi aldidiki bir erzdarlar namayishigha qétilghachqa, jem'iyet tertipini buzush bilen eyiblinip 5 yilliq késilgenlikidin xewer tapqan.

Bu yil 73 yashqa kirgen, pichan yéngiyerlik éli rishit, 20 yilning aldida kichik bir ijtima'iy jédelge chétilip qélip tutqun qilin'ghan, soraq we qiynash dawamida uning bir közige tok kaltek tégip, shu közi kardin chiqqan, soraq axirida éli rishit gunahsiz dep qarilip qoyup bérilgen, emma uninggha héchqandaq tölem bérilmigen, shuning bilen éli rishitning 20 yilgha sozulghan erz sepiri bashlan'ghan idi.

Toluq bet