Yaponiyediki xelq'ara rotariy kulubida Uyghur weziyiti we ilham toxti toghrisida doklat anglitildi

Ixtiyariy muxbirimiz haji qutluq qadiri
2016.10.12
Share on WhatsApp
Share on WhatsApp
rotariy-kulubi-uyghur-ilham-toxti.jpg Ibaraki xelq'ara rotariy kulubining mes'uli aray ependi Uyghur weziyiti we ilham toxti heqqide hés qilghanliri toghriliq toxtaldi. 2016-Yili 12-öktebir.
RFA/Qutluq

12-Öktebir yaponiyening ibaraki ölkisi shimodaté shehiridiki xelq'ara rotariy kulubida Uyghur weziyiti we ilham toxti mesilisi toghrisida doklat anglitildi.

Yaponiye Uyghur birliki teshkilatidin igilishimizche, yaponiyediki xelq'ara oqush yardem puli fondiliridin biri bolghan xelq'ara rotariy kulubining ibaraki ölkisi shimodaté shöbisining orunlashturushi bilen, nöwettiki Uyghur weziyiti we xitay türmisidiki Uyghur öktichi ziyaliysi ilham toxti toghrisida mexsus doklat sözlesh pa'aliyiti ötküzülgen bolup, pa'aliyetke yaponiye Uyghur birliki teshkilatining re'isi turmuhemmet hashim teklip bilen qatniship bu heqte doklat sözligen.

Doklat bérish pa'aliyiti xelq'ara rotariy kulubining méhmanxanisida chüsh sa'et waqti on ikkidin bir yérimgha qeder élip bérilghan.

Doklatqa her sahe mötiwerliridin köpligen ezalar qatnashqan.

Doklattin kéyin téléfon ziyaritimizni qobul qilghan yaponiye Uyghur birliki teshkilatining re'isi turmuhemmet hashim bügünki doklati heqqide toxtaldi.

Doklat teshkilligüchi we shundaqla ibaraki xelq'ara rotariy kulubining mes'uli aray ependi bügünki doklat heqqide toxtilip: “Doklattin xitay kompartiyesining Uyghur, tibet rayonlirida élip barghan insan heqliri depsendichiliklirini shundaqla hazirghiche bizge we xelq'ara jem'iyetke ayan bolmighan Uyghur, tibetlerni basturush siyasitining toluq mahiyitini tonup yettuq” dédi.

Turmuhemmet hashim doklatida 11-öktebir bash orgini shiwétsariyening jenwe shehiride bolghan martin ennalis fondining dunyadiki insan heqlirini qoghdighuchi shexsler üchün bérilidighan 2016-yilliq mukapatining xitay türmisidiki Uyghur öktichi ziyaliysi ilham toxtigha bérilgenlikini we shundaqla bu mukapatning néme sewebtin uninggha bérilgenliki toghrisida toxtalghan.

Ziyaritimizni qobul qilghan doklat qatnashquchiliridin shimoda ependi söz qilip: “Xitay döliti bezilerning neziride iqtisadiy jehettin güllen'gen we shundaqla tereqqiy tapqan dölet dep qaralsimu, biraq xitay döliti kishilik hoquq mesiliside yenila arqida. Chünki, xitaydiki kishilik hoquq mesililirining éghirliqi kishini chöchütidu. Bolupmu, Uyghur, tibetlerning basturulushi” dédi.

Turmuhemmet hashimning bildürüshiche, doklattin kéyin Uyghurlar heqqide köpligen so'allar otturigha qoyulghan we shundaqla bir qisim karxanichilar özlirining türlük yollar arqiliq Uyghurlargha yardem béridighanliqini bildürüshken.

Doklat bérish pa'aliyitige ishtirak qilghan suzuki ependi axirida ziyaritimizni qobul qilip: “Biz xelq'araliq rotariy kulubi bolush süpitimiz bilen xelq'aradiki bir qisim kishilik hoquq teshkilatliri bilen hemkarliship Uyghurlarning kishilik hoquq mesilisining yaxshilinishigha küch chiqirimiz” dédi.

Turmuhemmet hashimning qarishiche, yaponiyede Uyghur dawasini anglitish we Uyghur mesilisige yaponiye hökümitining köngül bölüshini qolgha keltürüsh üchün, aldi bilen xelq'ara rotariy kulublirigha oxshash yapon mötiwerliridin teshkillen'gen uyushmilar we fondilargha Uyghur mesilisini anglitish we ular bilen hemkarlishish tolimu zörüriken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.