Pragada chaqirilghan "Radikalizmdin saqlinish yighini" da Uyghurlar mesilisi otturigha qoyuldi

Ixtiyariy muxbirimiz ekrem
2017-04-12
Élxet
Pikir
Share
Print
D u q bash katipi dolqun eysa ependi "Radikalliqtin saqlinish, ashqunluqqa qarshi istratégiye tüzüp chiqish" yighini meydanida achqan yermenkiside. 2017-Yili 11-aprél, chéx jumhuriyiti.
D u q bash katipi dolqun eysa ependi "Radikalliqtin saqlinish, ashqunluqqa qarshi istratégiye tüzüp chiqish" yighini meydanida achqan yermenkiside. 2017-Yili 11-aprél, chéx jumhuriyiti.
RFA/Ekrem

Chéx jumhuriyitining paytexti pragada chaqirilghan 48 dölettin 80 din artuq teshkilat wekili qatnashqan "Radikalizmdin saqlinish yighini" da Uyghurlar mesilisi diqqet qozghighan.

D u q bash katipi dolqun eysa ependi pragada 8-apréldin 11-aprélghiche dawam qilghan "Radikalliqtin saqlinish, ashqunluqqa qarshi istratégiye tüzüp chiqish" yighinigha qatniship, xitay hökümitining "Radikalizm we ashqunluq"ni suyi'istémal qilip, Uyghurlarni basturushning qorali süpitide qolliniwatqanliqi toghruluq doklat bérish we tejribe hasil qilish pursitige érishken.

5 Kün dawam qilghan bu yighin jeryanida dolqun eysa ependi 48 dölettin kelgen 80 din artuq teshkilat wekilliri bilen pikir almashturush we Uyghurlar mesilisini ulargha anglitish imkanigha érishipla qalmay, yighin meydanida yermenke échip, Uyghurlarni tonutush üchünmu tirishchanliq körsetken.

Dolqun eysa ependi bu yighin jeryanida Uyghurlar mesilisini bilidighan we Uyghurlardin héch xewiri bolmighan kishilerning türlük so'allirigha duch kelgen.

U, bu qétimqi yighindin xulase chiqirip, yighin jeryanida köpligen teshkilat wekilliri bilen dostluq ornitishi we kélechekte ish birliki qurushning asasini hazirlashtek yaxshi bir netijige érishkenlikini tekitlidi.

8-Aprél chéx jumhuriyitining paytexti praga shehiride bashlan'ghan bu yighin 11-aprél axirlashqan. D u q bash katipi dolqun eysa ependining bildürüshiche, yighin bashlinishtin ilgiri, yighin'gha ishtirak qilghan bir qisim döletlerdin kelgen teshkilat wekillirining iltimasi bilen, yighin meydanini süretke tartish, widé'ogha élish cheklen'gen. Chünki radikalizmgha qarshi küresh qiliwatqan bir qisim teshkilatlar öz döletliride radikal küchlerning tehditliri astida yashawatqan bolup, ularning bixeterlikini közde tutup, yighin ishtirakchilirining süriti we kimliki heqqide metbu'atqa ochuq uchur tarqitishtin éhtiyat qilin'ghan.

Toluq bet