Firansiye parlaméntida Uyghur mesilisi toghrisida yighin chaqirildi

Ixtiyariy muxbirimiz erkin tarim
2014.06.30
Share on WhatsApp
Share on WhatsApp
parizh-fransiye-parlament-yighin-uyghur.JPG Firansiye parlaméntida Uyghur mesilisi toghrisida chaqirilghan yighinda d u q re'isi rabiye qadir xanim soz qilmaqta. 2014-Yili 27-iyun, parizh.
RFA/Erkin Tarim

6-Ayning 27-küni firansiye parlaméntida Uyghur mesilisi toghrisida yighin chaqirildi. Yighin'gha kishilik hoquq teshkilatlirining mes'ulliri, firansiye parlamént ezaliri, tashqi ishlar ministirliqining munasiwetlik xadimliri, tibet we mongghul teshkilatlirining mes'ulliri we firansiyediki Uyghurlardin bolup köp sanda kishi qatnashqan. Yighinda firansiye parlamént ezasi andér ganttolin, dunya Uyghur qurultiyi re'isi rabiye qadir xanim, firansiye Uyghur uyushmisining re'isi erkin ablimit, bash katipi fransos ependi qatarliq kishiler söz qilghan. Rabiye qadir xanim bergen melumatlargha asaslan'ghanda yighinda nuqtiliq halda xitay hökümitining Uyghurlargha élip bériwatqan basturush, tutqun qilish, ölüm jazasi bérish qatarliq siyasetliri otturigha qoyulghan. Yighinda yene Uyghurlar duchar boluwatqan kishilik hoquq depsendichilikini dunyagha anglitishning yolliri toghrisida muzakire élip bérilghan.

Firansiye parlamént ezasi andér ganttolin yighinda qilghan sözide, xitayda tarixta körülüp baqmighan shekilde insan heqliri depsendichilikining meydan'gha kéliwatqanliqi, xitayning peqet asiyaning tinchliqigha xewp élip kélipla qalmastin dunya tinchliqighimu xewp élip kélidighanliqidin ensirewatqanliqini otturigha qoyghan. U, sözide xitay hökümitining iqtisadiy küchige tayinip chet'eldiki démokratik heriketlerni tosushqa tirishiwatqanliqini, emma firansiye hökümitining buninggha yol qoymaydighanliqini otturigha qoyghan.

Yighinda dunya Uyghur qurultiyi re'isi rabiye qadir xanim, firansiye dölitining yawropaning eng chong démokratik döletliridin biri bolush süpiti bilen xitayning Uyghurlargha élip bériwatqan bésim siyasitini toxtitish üchün küch chiqirishini, yawropa parlaméntining Uyghur diyarigha közetküchi ewetishini we Uyghur musapirlargha yardem qilishini telep qilghan.

6-Ayning 27-küni yighin axirlashqandin kéyin hemmeylen namayish ötküzüp, 5-iyul ürümchi weqesining 5 yilliqini xatiriligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.