Түркийәниң үч шәһиридә арқа-арқидин уйғур мәсилиси аңлитилди

Ихтиярий мухбиримиз әркин тарим
2015-12-01
Share
seyit-tumturk-mektep-doklat.jpg Д у қ муавин рәиси сейит түмтүрк қәйсәри шәһиридики қәйсәри толуқ оттура мәктипидә оқутқучи вә оқуғучиларға уйғурларға доклат бәрмәктә. 2015-Йили 26-ноябир, түркийә.
RFA/Erkin Tarim

Уйғур мәсилиси арқа-арқидин 3 шәһәрдә доклат бериш йиғинида аңлитилди. 11-Айниң 26-күни түркийәниң қәйсәри шәһиридики қәйсәри толуқ оттура мәктипидә оқутқучи вә оқуғучиларға уйғурлар аңлитилди. “шәрқий түркистанниң өтмүши вә бүгүни” мавзулуқ йиғинда дуня уйғур қурултийи муавин рәиси сейит түмтүрк доклат бәрди, уйғурларниң қисқичә тарихи аңлитилғандин кейин, нуқтилиқ һалда бүгүнки вәзийити, хитай һөкүмитиниң бесим сиясити, уйғурлар дучар болуватқан инсаний һәқ вә һоқуқ дәпсәндичиликлири аңлитилған бу йиғинға оқутқучи, оқуғучилардин болуп 500 әтрапида киши қатнашқан. Бу толуқ оттура мәктәп османли империйәси мәзгилидә қурулған қәдимий тарихқа игә мәктәп болуп, түркийәниң сабиқ дөләт рәислиридин турғут өзал, абдулла гүлгә охшаш мәшһур затлар бу мәктәпни пүттүргән.

28-Ноябир күни сейит түмтүрк әпәнди түркийәниң қоҗаәли вилайитидә “ислам вә шәрқий түркистан” темисида доклат бәрди. Қоҗаәли илим, күлтүр вә сәнәт уюшмиси тәрипидин уюштурулған доклат бериш йиғини алий әпәнди йиғин залида ахшам саәт йәттидин онғичә давамлашти. Бу доклат бериш йиғиниға қоҗаәли шәһириниң башлиқи ибраһим қараосманоғлиму қатнашқан.

Әтиси күни йәни 29-ноябир күни сейит түмтүрк әпәнди истанбулда чақирилған 1-нөвәтлик қарапапақ түрклири қурултийиға қатнашти. Көп санда сиясәтчи, сабиқ мәдәнийәт министири ялчин топчу, парламент әзалири вә түркий милләтлири вәкиллири қатнашқан қурултайда д у қ муавин рәиси сейит түмтүрк әпәндигә түрк дуняси хизмәт мукапати берилгән.

Қарапапақлар гирузийәдә яшайдиған оғузлардин болуп, түркийәдиму көп санда қарапапақ бар икән. Бу қурултайда тонулған телевизийә програмчиси сәйпуллаһ түрксой әпәнди қурултайниң рәисликигә сайланған.

Биз бу паалийәтләр тоғрисида тәпсилий мәлумат игиләш үчүн бу паалийәтләргә қатнашқан сейит түмтүрк әпәнди билән телефон сөһбити елип бардуқ.

У, өткән йил 7-айдин кейин түркийәдики вәзийәтниң җиддийлишишигә әгишип уйғур мәсилисиниң түркийә җамаәтчиликиниң күнтәртипидин чүшүп қалғанлиқини, һазир аста-аста уйғур мәсилисиниң қайтидин түркийәниң күнтәртипигә келишкә башлиғанлиқини ейтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт