Bir mehbusning ürümchi kaziwendiki 2-türmide körgen bilgenliri (2)

Muxbirimiz qutlan
2015-04-23
Élxet
Pikir
Share
Print
Uyghurlarning qarshiliq heriketlirini basturush üchün, xitay hökümiti sheherge herbiy yötkigen aptomobillar. 2013-Yili 29-iyun, ürümchi.
Uyghurlarning qarshiliq heriketlirini basturush üchün, xitay hökümiti sheherge herbiy yötkigen aptomobillar. 2013-Yili 29-iyun, ürümchi.
AFP

Ilgiri xitay türmisige qamalghan bir qisim kishilerning erkin dunyagha chiqqandin kéyinki bayanliri xitaydiki "Siyasiy mehbus" larning, bolupmu Uyghur mehbuslarning échinishliq ehwalini körsitip bermekte.

2010-Yili 9-aydin 2014-yili 2-ayghiche ürümchi kaziwendiki 2-türmide jaza mudditi ötigen, yéqinda ming bir japalar bilen melum döletke kelgen, emma nam-sheripini waqtinche ashkarilashni xalimaydighan bir neper sabiq mehbus radi'omiz ziyaritini qobul qildi.

Uning bildürüshiche, ularning a'ilisi soda-tijaret bilen shughullinidighan, diniy eqidisi küchlük a'ile bolup, dadisi 1990-yillarning bashlirida 3 oghlini pakistandiki melum bir mektepke islam bilimliri öginishke ewetken.

Ular 3 oghul pakistanda on yilgha yéqin oqughan we qoshumche tijaret bilen shughullan'ghan. 2001-Yilidiki "11-Séntebir weqesi" din kéyin pakistanda oquwatqan we yashawatqan Uyghur muhajirlarning ehwali intayin qiyinlashqan. Xitayning küchlük bésimi astida pakistan hökümiti Uyghur muhajirlirini tutqun qilip xitaygha qayturup bérishke yaki atalmish "Térror gumandarliri" dégen qalpaq bilen teqib qilishqa bashlighan.

Pakistanda dawamliq turush imkaniyiti qalmighan bu aka-uka 3 qérindash 2002-yili yurtigha qaytip kélishke mejbur bolghan. Weten'ge qaytip uzaq ötmeyla bu 3 aka-uka tutqun qilinip türmige tashlan'ghan. Ular ayrim-ayrim halda bir yérim yildin 2 yilghiche türmide yétip chiqqan.

Shuningdin kéyin ularning hayatidiki xatirjemlik yoqalghan. Chong akisi türmidiki éghir qiyin-qistaq netijiside rohiy késelge giriptar bolup, türmidin chiqqandin kéyinmu eslige kélelmigen.

2010-Yili 9-ayda u ürümchide özini we Uyghurlarni haqaret qilip tillighan bir xitay bilen urushup qélip tutqun qilin'ghan. Shuningdin kéyin u ürümchidiki 2-türmige qamilip 4 yilgha yéqin jaza mudditi ötigen.

2014-Yilining béshida türmidin qoyup bérilgendin kéyin, pasport béjirip chet'elge chiqip ketmekchi bolghan. Halbuki, shunche yol méngipmu pasport alalmighan. Axirida chet'elde yashawatqan anisining wapat bolghanliqi we uning axiretlik ishlirini bir terep qilish bahaniside ming teste pasport élip chet'elge chiqip ketken.

Bügün u radi'omiz ziyaritini qobul qilip, özining ürümchi 2-türmide ötküzgen 4 yilliq hayati jeryanida körgen-bilgenliri, bolupmu atalmish "Siyasiy jinayet" bilen qamalghan Uyghur mehbuslarning échinishliq türme hayati heqqide uchur berdi.

Tepsilatini awaz ulinishtin anglighaysiz.

(Dawami bar)

Toluq bet