Shahitlar: hazir atushta 300 ming som puli barlarning hemmisi tutup kétildi

Ixtiyariy muxbirimiz oghuzxan
2017-10-16
Share
xote-baziri-uyghur-tijaretchi-305.jpg Xoten baziridiki Uyghur tijaretchi we mal alghuchilar. 2006-Yili 13-öktebir.
AFP

Bu yil kirgendin buyan xitay da'irilirining Uyghur élida yürgüzüwatqan yuqiri bésimliq siyasetliri we chékidin ashqan teqibliri seweblik bir qisim Uyghur ziyaliyliri, tijaretchiler we adettiki puqralar chet'ellerge chiqip kétishke mejbur bolghan.

Yéqinda ming bir musheqqetler bilen xitaydin ayrilip, gollandiyege yétip kelgen jür'et ene shularning biri. U yéqinda radiyomiz ziyaritini qobul qilip, nöwette Uyghur diyaridiki weziyetning tesewwur qilghusiz derijige yetkenlikini bildürdi.

Uning bildürüshiche, yurti atushta nöwette 300 ming somdin artuq puli bar baylarning hemmisi dégüdek türmige, yighiwélish lagérigha yaki terbiyelesh merkezlirige soliwélin'ghan iken.

U yene atushta 47 milyon som puli bar bolghan bir bayning yéqinda bankigha bérip 3 milyon som neq pul almaqchi bolghanda bankidikilerning ret qilishigha uchrighanliqi, ariliqta ikki terep arisida jédel chiqip, saqchilarning bu bayni tutup ketkenliki, aridin birqanche kün ötmeyla uning "Manga pul emes, belki tiniq lazim" dep, tutup turush ornidin yérim jan qaytip chiqqanliqini hékaye qildi.

Yéqinda amérikigha kélip yerleshken arman ependimu ziyaritimizni qobul qilip, nöwette Uyghur diyarining "Üsti ochuq türme" ge aylan'ghanliqini, öydin kochigha chiqip yene qaytip kirgüche az dégende nechche orunda tekshürüsh we so'al-soraqqa duch kélidighanliqini bildürdi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.