Kishilik hoquq depsendichilikining janliq misali - “Mes'uliyet sürüshtürüshke maslishish uqturushi”

Bügün dunya insan heq-hoquqliri küni. Emma bügünki künde Uyghur diyaridiki Uyghurlar pütün heq we hoquqliridin mehrum yashashqa mejbur bolmaqta. Xitay Uyghurlarni her xil teshkilatlargha chétishliq dep eyiblep türmilerge tashlimaqta. Hetta eyiblen'gen kishining uruq-tughqanlirinimu jazalimaqta. Xitayning bu siyasetlirini biz yéqinda qolgha chüshürgen bir uqturushtin éniq körüwalghili bolidu.

Xoten langru yéziliq xelq hökümitining 2014-yili 9-ayning 19-küni zakir yasin isimlik yashni ézbotehrir teshkilatigha chétishliq dep békitkenliki üchün uning uruq-tughqanlirigha qol qoydurup, tarqitip bergen “Mes'uliyet sürüshtürüshke maslishish uqturushi” da eger özini qisqa muddet ichide melum qilmisa, töwendikidek aqiwetlerning kélip chiqishigha mes'ul bolidighanliqi yézilghan. Ular munular:

1. Mezkur kishining nopusi bikar qilinidu.
2. Mezkurning namidiki we a'ilisige tewe bolghan yerler qayturuwélinidu.
3. Barliq mal-mülki musadire qilinidu.
4. Öy-jayi chéqip tüzliwétilidu.
5. Barliq uruq-tughqanlirining behrimen boluwatqan her türlük étibar siyasetliri emeldin qaldurulidu.

Uqturushning astigha uqturushni tapshurup alghuchining imzasi, kent sékrétarining imzasi qoyulghan we langru yéziliq xelq hökümitining resmiy tamghisi bésilghan.

Biz bu uqturush toghrisida köz qarishini élish üchün, qeshqer qaghiliq nahiyisidin türkiyege kélip olturaqliship qalghan, qanunshunas memet oghuzi ependi bilen söhbet élip barduq. U, bu uqturushta otturigha qoyulghanlarning Uyghur diyarida heqiqeten mewjut ikenlikini özi körgen misallar bilen bayan qildi.

Tepsilatini awaz ulinishidin anglighaysiz.