Qaghiliqning loq yézisida 27-féwral küni weqe chiqqanliqi delillendi

Muxbirimiz shöhret hoshur
2017-03-15
Share
Qaghiliq-nahiyisidiki-Meschit-305.jpg Qaghiliq nahiyisidiki meschit. 2011-Yili noyabir.
RFA/Mehriban

Chet'elde tarqitiliwatqan Uyghur nidasi tor radiyosi ötken hepte, 27-féwral küni qaghiliqning loq yézisida qanliq toqunush chiqqanliqi, toqunushqa kocha charlawatqan saqchilarning xupten namizidin qaytqan jama'etke zorawanliq qilishi seweb bolghanliqi, toqunushta saqchi terepning oq chiqirishi bilen belgilik sanda ölüsh we yarilinish bolghanliqi heqqide bir xewer berdi. Muxbirimizning qaghiliqtiki saqchixanilarni ziyaret qilishi dawamida loqta 27-yaki 28-chésla küni bir weqe chiqqanliqi delillendi. Emma, weqede ölgen yarilan'ghanlar heqqide melumat bolmidi.

Uyghur nidasi radiyosining xewiride, weqedin kéyin qaghiliq nahiyilik hökümetning weqege alaqidar uchurni qattiq qamal qilghanliqi, da'irilerning alaqidar ishchi-xizmetchilerge weqe sadir bolghanliqi heqqide melumat bérip, weqening tepsilati, jümlidin weqede éniq halda qanche kishi ölüp qanche kishi yarilan'ghanliqi heqqide melumat bermigenliki bildürüldi. Mezkur xewerde pakit we menbe körsitilmigen halda weqede 20 nechche kishining ölgenliki ilgiri sürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.