Lagér saqchisi: “Kursantlar özlirining nedilikini bilmeydu, a'ile tawabi'atlirimu hem”
2018.10.29
Muxbirimizning qeshqerdiki melum bir lagér saqchisi bilen ötküzgen söhbet xatirisining bügün anglitilidighan qismida qeshqerdiki bir lagérning deslepte melum nahiyening bazar ichide qurulghanliqi, kéyinche bu lagérning elning neziridin uzaq tutulush üchün bazar sirtigha yötkep kétilgenliki, lagérdikilerning mutleq köp qismining özining nede tutup turuluwatqanliqini bilmeydighanliqi, a'ile-tawabi'atliriningmu ular tutup turuluwatqan orundin xewersiz ikenliki bayan qilinidu.
Nöwette shiwétsiyede yashawatqan sabiq saqchi yolwas ependi lagérdikilerning ornining özige we a'ilisige bildürülmeslikining texminiy sewebliri heqqide pikir bayan qildi.
Yolwas ependi xitay da'irilirining lagérlarning ornini tutqunlarning özi we ularning a'ile-tawabi'atlirigha bildürmeslik arqiliq bir tereptin lagér we tutqunlarning sani we uning ichide yüz bergüsi paji'elerni dunyadin yoshurmaqchi ikenlikini ilgiri sürdi.
Yolwas ependi yene lagérlarning milliy rohni sundurush meqsitide qurulghanliqini, tutqunlarni köprek qiynash we a'ile-tawabi'atlirini azablash meqsitide ularning tutup turuluwatqan jayining yoshurun tutulidighanliqini bildürdi.