Куча алиқаға тоқунушида намайишчилардин аз дегәндә 5 кишигә оқ тәккән, иккиси нәқ мәйданда өлгән

Мухбиримиз шөһрәт һошур
2014-05-21
Share
pichan-lukchun-saqchi-charlash.jpg Пичан лүкчүн вәқәсидин кейин сақчилар ахбарат орунлириниң рәсимгә тартишини тосуватқан көрүнүш. 2013-Йили 27-июн, пичан.
AFP

Түнүгүн куча наһийисиниң алиқаға базирида йүз бәргән намайиш вә тоқунушни баштин-ахири көргән вә нәқ мәйданда хизмәт қилған бир кәнт аманлиқ мудириниң радиомизға ашкарилишичә, вәқәдә намайишчилардин 5 кишигә оқ тәккән вә иккиси нәқ мәйданда өлгән.

Хитай тәрәптин базар башлиқи вә мәктәп мудири болуп җәмий 8 киши яриланған. Хитай қораллиқ қисим алаһидә әтрити намайишчиларға қаритип оқ чиқарғандин кейин, тәрәп-тәрәпкә қачқан кишиләрдин 30ға йеқинини нәқ мәйданда тутқан, қалғанлирини арқисидин қоғлап мәһәллә вә өйлиридин тутқан. Түнүгүн вәқәдә тутулғанларниң сани 79 нәпәр болған болса, бүгүнки тутулғанлар билән тутқунларниң сани 100дин ашқан; тутқунлар куча наһийилик қамақхана яки түрмигә соланған. Нөвәттә йәнә тутқун кәң-көләмдә давам қилмақта.

Мәлум болушичә, вәқә җәрянида базарлиқ һөкүмәт қорусиниң дәрвазиси вә куча наһийилик дөләт аманлиқ әтритиниң аптомобилиниң арқа деризиси чеқиветилгән.

Тәпсилатини аваз улинишидин аңлиғайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт