Kucha aliqagha toqunushida namayishchilardin az dégende 5 kishige oq tekken, ikkisi neq meydanda ölgen

Muxbirimiz shöhret hoshur
2014-05-21
Share
pichan-lukchun-saqchi-charlash.jpg Pichan lükchün weqesidin kéyin saqchilar axbarat orunlirining resimge tartishini tosuwatqan körünüsh. 2013-Yili 27-iyun, pichan.
AFP

Tünügün kucha nahiyisining aliqagha bazirida yüz bergen namayish we toqunushni bashtin-axiri körgen we neq meydanda xizmet qilghan bir kent amanliq mudirining radi'omizgha ashkarilishiche, weqede namayishchilardin 5 kishige oq tekken we ikkisi neq meydanda ölgen.

Xitay tereptin bazar bashliqi we mektep mudiri bolup jem'iy 8 kishi yarilan'ghan. Xitay qoralliq qisim alahide etriti namayishchilargha qaritip oq chiqarghandin kéyin, terep-terepke qachqan kishilerdin 30gha yéqinini neq meydanda tutqan, qalghanlirini arqisidin qoghlap mehelle we öyliridin tutqan. Tünügün weqede tutulghanlarning sani 79 neper bolghan bolsa, bügünki tutulghanlar bilen tutqunlarning sani 100din ashqan؛ tutqunlar kucha nahiyilik qamaqxana yaki türmige solan'ghan. Nöwette yene tutqun keng-kölemde dawam qilmaqta.

Melum bolushiche, weqe jeryanida bazarliq hökümet qorusining derwazisi we kucha nahiyilik dölet amanliq etritining aptomobilining arqa dérizisi chéqiwétilgen.

Tepsilatini awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet