Bay yaqa'ériq weqesige seweb bolghan qozghatquch weqe heqqide melumat

Ötken ayda bay nahiyiside yüz bergen we 17 kishining ölümige seweb bolghan yaqa'ériq weqesining xitay saqchilirining öy tekshürüshi dawamida yüz bergenliki ashkarilan'ghan idi.

Muxbirimizning dawamliq ehwal éniqlashliri dawamida, shu qétimliq öy tekshürüshke pida'iylardin perhat semetning er-ayal ayali bilen tutqun qilinishining seweb bolghanliqi ashkarilandi.

Melum bolushiche, perhat semetning ayalining kiyinishidiki diniy qiyapet kent sékrétarining gumanini qozghighan, sékrétar bu gumanini yéza sékrétarigha melum qilghan, yéza sékrétarining orunlashturushi boyiche yéza saqchiliri öyni tekshürgende perhat semetning ayali olturghan orunduqning astidin bir xenjer tépilghan؛ saqchilar ularni ekélip soraq qiliwatqan mezgilde, pida'iylar yétekchisi turghun bilaldin perhat semetke bir téléfon kelgen, netijide saqchilar turghun bilalning öyini tekshürüshke barghan we netijide mezkur qanliq weqe kélip chiqqan.

Awaz ulinishidin, muxbirimizning bu heqte teyyarlighan programmisining tepsilatini anglighaysiler.