Qeshqer taxtaköwrük hujumchilirining chong bir jemet ezaliri ikenliki aydinglashti

Ilgirilep ehwal éniqlishimiz dawamida 22-iyun küni qeshqer taxtaköwrüktiki qarawulxanigha hujum qilghuchilarning jem'iy 21 kishi ikenliki, bularning yéngisheherning tazghun yéza töwen qulaqliq kentidiki chong bir jemetning ezaliri ikenliki aydinglashti.

Melum bolushiche, bu jemettiki üch aka-uka we ikki achidin terkib tapqan 5 qérindash jöriliri, kélin-kuy'oghulliri we perzentliri bilen birlikte bu qétimqi hujumni pilanliq we teshkillik halda élip barghan. Xitayning sherqi türkistandiki zulumini dunyagha bildürüshni meqset qilghanliqi ilgiri sürülüwatqan bu hujumgha jemetning chongi, diniy mötiwer, 60 yashliq atawulla dawut yétekchilik qilghan.

Közetküchilerning qarishiche, xitay hakimiyitige qarshi qérindashlar teshkillinish, jemet ezaliri birlikte heriket qilish Uyghur milliy qarshiliq herikitidiki bir yéngi yüzlinish we bir özgichiliktur. Dunyani zilzilige salghan 29-öktebir tyen'enmin qowuqigha hujum qilish weqesini pida'iy osman hesen anisi we ayali bilen birlikte élip barghan, toqquzaq saybaghda yüz bergen saqchilargha hujum qilish weqesini 5 aka-uka ayalliri bilen birlikte élip barghan. Bultur maralbéshida yüz bergen yéza igilik mehsulatliri bazirigha hujum qilish weqesidimu 4 aka-uka rol alghan. Bu ehwalni bezi közetküchiler xitaygha qarshi milliy qarshiliqning yuqiri pellisi dep qarisa, yene beziler bir charisizliqning ipadisi yeni, xitayning bixeterlik tedbirliri seweblik a'ile ezaliri sirtidiki kishiler bilen teshkillinishning mumkin bolmighanliqining alamiti dep qarashmaqta.