Xoten loptiki sabiq mehbus mettoxti memet'ibrahim nazaret astida, ayali jaza lagirida
Xitay hökümet saqchiliri xoten kochilirida
Nöwette Uyghur rayonida esebiylikke qarshi turush nami asitida diniy étiqadi saghlam we mustehkem kishilerge nuqtiliq halda zerbe bérilmekte. Emma pakitlar körsitip turuptuki, Uyghur rayonigha nisbeten esebiylikke qarshi turush dégen bu nam yéngi bolsimu, diniy étiqadi saghlam kishilerge qattiq zerbe bérish herikiti yéngi ehwal emes. Téléfon ziyaretlirimizdin ashkarilinishiche, 10 nechche yilning aldida xotenning lop nahiye buya yézisida olturushluq mettoxti memet'ibrahim, qaghiliqtiki meshhur diniy zat ablikim mexsum bilen alaqisi bolghanliqi üchünla hizbuttehrir teshkilatigha eza dep eyiblinip 10 yilliq késiwétilgen, u jaza mudditini ötewatqan mezgilde uning ayali bir jama'et sorunida shermi hayani teshwiq qilghanliqi üchün qanunsiz diniy pa'aliyet bilen shughullandi dep eyiblinip umu 10 yilliq késilgen. Nöwette jaza mudditini tügitip bolghan mettoxti memet'ibrahim nazaret astida؛ uning ayali türmide yenila jaza mudditini ötimekte.
Hörmetlik radiyo anglighuchilar, yuqiriqi kent bashliqining bayanliridin ashkarilinishiche, mettoxti memet'ibrahim peqet qaghiliqtiki meshhur we merhum diniy zat ablikim mexsum teripidin terbiyilen'genliki we diniy hayatini izchil we normal dawamlashturghanliqi üchün, hizbuttehrir teshkilatigha eza dep qarilan'ghan we jazalan'ghan. Uning ayali shermi hayani teshwiq qilghanliqi üchün tutulghan we késiwétilgen.
Weqedin xewerdar kishilerdin birining namsiz halda bildürüshiche, mettoxti memet'ibrahimning ayali, yéziliq ottura mektepte mu'ellim؛ u teqwadar bir mu'ellime bolghanliqi üchün jem'iyette inawet tapqan we türlük sorunlarda söz we teblighqe dewet qilin'ghan. Melum bolushiche, uning shermi haya heqqidiki sözliri yerlik emeldarlarning Uyghur qizlirini xitay ölkilirige ishchiliqqa yötkewatqan mezgilge toghra kelgechke, uning sözliri mezkur xizmetke tosalghu peyda qildi dep qaralghan.
Hörmetlik radiyo anglighuchilar, yuqirqigha oxshash misallardin qarighanda, Uyghur rayonida xitayning diniy étiqadqa hujum qilish dolquni uzun yillardin béri shekli we namini özgertip kelgen bolsimu, heywisini we shidditini özgertmigen.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
