Yaponiyede “5-Iyul weqesi” ning 9 yilliqi munasiwiti bilen namayish ötküzüldi

Ixtiyariy muxbirimiz erkin tarim
2018.07.02
yaponiye-5-iyul-2018-namayish-1.jpg

“5-Iyul weqesi” ning 9 yilliqi munasiwiti bilen tokyodiki shinjuku rayonida ötküzülgen namayishtin körünüsh. 2018-Yili 1-iyul, yaponiye. RFA/Erkin Tarim

yaponiye-5-iyul-2018-namayish-2.jpg

“5-Iyul weqesi” ning 9 yilliqi munasiwiti bilen tokyodiki shinjuku rayonida ötküzülgen namayishtin körünüsh. 2018-Yili 1-iyul, yaponiye. RFA/Erkin Tarim

yaponiye-5-iyul-2018-namayish-3.jpg

“5-Iyul weqesi” ning 9 yilliqi munasiwiti bilen tokyodiki shinjuku rayonida ötküzülgen namayishtin körünüsh. 2018-Yili 1-iyul, yaponiye. RFA/Erkin Tarim

yaponiye-5-iyul-2018-namayish-4.jpg

“5-Iyul weqesi” ning 9 yilliqi munasiwiti bilen tokyodiki shinjuku rayonida ötküzülgen namayishtin körünüsh. 2018-Yili 1-iyul, yaponiye. RFA/Erkin Tarim

yaponiye-5-iyul-2018-namayish-5.jpg

“5-Iyul weqesi” ning 9 yilliqi munasiwiti bilen tokyodiki shinjuku rayonida ötküzülgen namayishtin körünüsh. 2018-Yili 1-iyul, yaponiye. RFA/Erkin Tarim

yaponiye-5-iyul-2018-namayish-6.jpg

“5-Iyul weqesi” ning 9 yilliqi munasiwiti bilen tokyodiki shinjuku rayonida ötküzülgen namayishtin körünüsh. 2018-Yili 1-iyul, yaponiye. RFA/Erkin Tarim

Yaponiye paytexti tokyodiki eng awat rayonlarning biri bolghan shinjuku poyiz istansisi aldida 1-iyul küni yaponiyediki Uyghur jama'itining xitaygha qarshi naraziliq namayishi ötküzüldi.

Tokyo we etrapidiki sheherliridin kélip toplan'ghan Uyghur jama'iti bir qisim yerlik yaponlar we türk qérindashlarning qatnishishi bilen 1-iyul küni shinjuku poyiz istansisi aldida namayish élip bardi. Dunya Uyghur qurultiyining yaponiyediki wekili ilham mexmut ependining éytishiche, bu qétimqi namayish yaponiyediki Uyghurlar eng köp qatnashqan bir qétimliq namayish hésablinidiken. Qollirigha ay-yultuzluq kök bayraq kötürüwalghan namayishchilar “Uyghurlargha erkinlik”, “Térrorchi xitay” dégendek sho'arlarni towlap etrapni lerzige salghan.

Neq meydandin ziyaritimizni qobul qilghan d u q ning yaponiyediki wekili ilham mexmut ependi bu qétimqi namayishning “5-Iyul ürümchi weqesi” ni xatirilesh we xitayning Uyghurlargha élip bériwatqan nöwettiki derijidin tashqiri bésim siyasitige naraziliq bildürüsh üchün élip bérilghanliqini tilgha aldi.

Ilham mexmut ependi bu qétimqi namayish jeryanida yaponiyediki köpligen Uyghurlarning aktipliq bilen namayishqa qatnashqanlirini, bir qisim yapon we türklerningmu namayish jeryanida Uyghurlargha hemdem bolghanliqini alahide tilgha aldi.

Bu qétimqi namayishqa qatnashqan Uyghur ziyaliysi arslan onUyghur ependimu ziyaritimizni qobul qilip, “5-Iyul ürümchi weqesi” xatirilesh munasiwiti bilen tokyoda ötküzülgen bu qétimliq namayishning adem sani köp, bolupmu yaponiye tarixida Uyghurlar eng köp qatnashqan namayishlarning biri bolghanliqini tilgha aldi.

Melumki, yaponiye Uyghur ziyaliyliri eng köp döletlerning biri bolsimu, emma türlük sewebler tüpeyli xitaygha naraziliq bildüridighan pa'aliyetlirige qatnishidighan Uyghurlarning sani nisbeten az bolup kelgen döletlerdin biri hésablinidu. Arslan onUyghur ependi ziyaritimiz jeryanida buning sewebliri heqqide öz qarashlirini bayan qilip ötti.

Arslan onUyghur ependi bu qétim öz oghlinimu bille élip chiqip namayishqa qatnashqanliqini, “5-Iyul weqesi‏” mezgilide tughulghan oghlining bu yil 9 yashqa kirgenlikini, Uyghur dewasida kütken meqsetke yétish üchün barliq Uyghurlarning bala-chaqilirini milliy roh bilen terbiyelishi zörürlükini, her sahede oqughan hem ixtisasliq hem weten-millet üchün xizmet qilish tuyghusi küchlük bir ewladning yétiship chiqishi kéreklikini, mushundaq qilghandila muhajirettiki, bolupmu yaponiyediki Uyghur dewasining küchiyidighanliqini tekitlep ötti.

Bu qétimqi namayishqa erlerdin bashqa yene köp sandiki balilar hem ayallarmu qatnashqan. Shinjiko poyiz istansisining aldidiki meydanni uzun'ghiche sho'ar sadaliri bir alghan. Jewlan qilip turghan qanchilighan ay-yultuzluq kökbayraqlar etraptiki kishilerning diqqitini tartqan. Yashlar yoldin ötken-kechken yaponlargha “5-Iyul ürümchi” weqesi toghrisida hazirlan'ghan teshwiqat waraqchilirini tarqatqan we ularning so'allirigha jawab bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.