Közetküchiler: “30 - Noyabir yeken weqesi 28 - iyuldiki yeken isyanining dawami we muqerrer netijisi”

Muxbirimiz qutlan
2014.12.02
Share on WhatsApp
Share on WhatsApp
yaqubbeg-yeken-yerken-sepil.png Yaqubbeg dewridiki yeken sepili. Resim eyni dewrde yaqubbeg bilen korushkili kelgen biritaniye wekili robért shaw teripidin 1868-yili yekende sizilghan (menbe: Robert Shaw: Visit to High Tartary)
RFA/Qutlan


Ötken shenbe küni “Tengritagh tori” yekende ikkinchi qétim qanliq weqe yüz bergenliki heqqide qisqa uchur bergendin kéyin xelq'ara jem'iyetning diqqiti yene bir qétim Uyghur éligha tikildi.

Halbuki, da'irilerning tor, téléfon we bashqa alaqe wastilirini qattiq qamal qilishi seweblik weqe heqqide yenimu ilgiriligen halda melumat élish imkani bolmidi. Chet'ellerdiki Uyghur jama'etchiliki qisqighine 4 ay ichide yekende arqa - arqidin yüz bergen ikki qétimliq qanliq weqedin lerzige keldi.

Türkiyediki sherqiy türkistan wexpining sabiq bashliqi hamid köktürk ependi ziyaritimizni qobul qilip bügünki yeken xelqining milliy we diniy izzet - ghururining yekenning parlaq tarixidin kéliwatqanliqini tekitlidi.

Amérika Uyghur jem'iyitining mu'awin re'isi ilshat hesen ependimu bu heqte ziyaritimizni qobulq qilip, xitay da'irilirining nöwettiki basturush nuqtisini tarixtin buyan Uyghur medeniyitining ochaqliridin bolghan yeken'ge qaratqanliqini ilgiri sürdi.

Amérikida yashawatqan Uyghur ziyaliyliridin tibbiy penler doktori jür'et obul ependimu 30 - noyabiridiki yeken weqesining emeliyette 28 - iyulda yekende yüz bergen zor kölemlik qarshiliq körsitish herikitining dawami we muqerrer netijisi ikenlikini eskertti.

Hamid köktürk ependi ziyaritimiz jeryanida, özining yekende ötken baliliq dewrini eslep ötti. U Uyghurlar nopusining eng zich we eng zor gewdisini teshkil qilidighan yeken bostanliqida burundin tartip eng éghir derijidiki zulumning dawamliship kelgenlikini qeyt qildi.

Ilshat hesen ependimu 30 - noyabir yekende ikkinchi qétim yüz bergen qarshiliq körsitish herikitining Uyghur élida zulumgha qarshi küreshning menggü toxtap qalmaydighanliqining bir ispati, dep körsetti.

Jür'et obul ependi yérim yilgha yetmigen waqit ichide yekende arqa - arqidin birqanche qétim qarshiliq körsitish heriketlirining yüz bérishi we yeken xelqining buning achchiq bedilini töleshke bel baghliyalishi ularning oyghan'ghanliqining ipadisi dep tekitlidi.

Axirida hamid köktürk ependi yeken xelqining Uyghurlarning tarixtin buyan dawamlashturup kelgen zulumgha, basqun'gha we erksizlikke qarshi küreshlirini yene dawamlashturidighanliqini we uninggha qet'iy ishinidighanliqini bildürdi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.