Korla neshpüti amérikining ékisport ölchimidin ötti

Gerche korla neshpüti ozuqluq miqdarining yuqiriliqi, shérinliki,su terkibining alahide yuqiriliqi qatarliq xususiyetliri bilen dang chiqarghan Uyghur yerlik miwisi bolsimu emma amérikigha oxshash chong döletlerning bazirigha kirelmigen idi. Yéqinda korla neshpüti amérikining süpet ölchimidin ötüp resmi yosunda amérika bazirigha kirish aldida turidu. Ilgiri korla neshpütning süpet ötkilidin ötelmeslikining heqiqi sewebi néme? korla neshpütning chet'ellerge ékisport qilinishi Uyghur baghwenlerge qanchilik nep élip keldi?

Uyghur élining jughrapiyilik orni déngiz okyandin yiraq bolghachqa , höl yéghin miqdari az quruqluq xaraktéri küchlük hemde quyashning tik chüshüsh waqti eng uzun , kéche kündüzning klimat perqi chong , yéri munbet bolghachqa herxil miywilirining qen terkibi bashqa her qandaq jaydin chiqidighan oxshash méwilerdin alahide yuqiri , Uyghur élining shérin méwiliri ezeldin dang chiqarghan. Emma süpet ölchimidin ötelmigenliki seweblik bu méwilerning xelqara bazargha bösüp kirishi cheklik, istiqbali qarangghu bolup keldi.

Korla neshpüti amérikining süpet ölchimidin ötti

Korla neshpütning süpet ölchimi mesilisimu 13 yildin buyan uning amérikigha ékisport qilinishigha tosalghu bolup kelgen mesile idi. Yéqinda korla neshpüti amérika yéza igilik ministirliqining süpet tekshürüsh ötkilidin ötüp , amérikigha ékisport qilish yolini ashti. -28Bundin kéyin heptisige 100tonna korla neshpüti amérikigha ékisport qilinidu, nöwette tunji qétimda 58 tonna neshpüt amérkabazirigha sélinmaqchi.

Uyghurlarning baghwenchilik tarixida korla neshpütini yétishtürginige 1600yillar boldi, korla teweside hazir 23ming 333géktar yerde neshpüt béghi bar bolup, yilliq omumiy mehsulati 120ming tonnigha yétidu. Nöwette korla neshpüti amérikidin bashqa yene awstraliye, kanada qatarliq döletlergimu ékisport qilinmaqta .

Atom bomba siniqining tesiri

Bezi mutexessisler gerche korla neshpütning posti népiz, shérin, puraqliq, chürük, uzaq saqlinishchanliqqa ige sort bolsimu emma uning dawamliq xelqaraning ékisport import süpet ölchimige yetmigenlikining asasliq sewebini ,korlida xitayning atom bomba sinaqlirining tesirining éghirliqi shunga tupraq muhit suning radi'aksiyelinishi bilen bu yerdiki méwe-chiwe ,haywanat hetta ademlerningmu zor tesirge uchrighanliqidin dep körsitip kelgen bolsimu emma xitay da'iriliri korla neshpüti hemde bu rayondin chiqidighan bashqa yerlik mehsulatlarning süpet ölchimige toshmasliqidiki heqiqiy sewebni yushurup kelmekte. Xitay hökümiti 1964yilidin buyan teklimakanda köp qétim atom bomba sinaqlirini élip bardi.

Amérika yéza igilik ministirlikining -1993yilidin buyan korla neshpüti heqqide élip barghan süpet tekshürüsh doklatidin melum bolushiche, korla neshpütide körülgen qongur dagh chüshüsh haliti muhit hemde tupraqning melum radi'aktiw amilining buzghunchiliqqa uchrishidin kélip chiqqan késellik bolup, neshpütte qongur dagh peyda bolghandin kéyin téz arida pütün neshpotni qaplap su terkibini yoqutup, barliq méniral maddilirini öltüridiken.

Yéqinqi yillarda neshpüt yurtidiki déhqanlar qayta qayta süpet yaxshilap , yéngi sortlarni yétishtürüsh arqiliq, neshpütlerning süpitini yaxshilighan. Késellik hemde bashqa ziyanliq amillarning tesirining aziyishidimu ünüm qazan'ghan.

Korla neshpüti gerche'amérkigha éksport qilinishqa bashlighan bolsimu emma bu peqet korla topu yéza igilik mehsulatliri cheklik shirkitining wasitisi bilen ékisport qilinidiken. Yerlik déhqanlar bolsa bu ékisport kirimining peqet 25%igila ige bolalaydiken.

Nöwette korla aliy süpetlik neshpütning esli makani saydöng baghwenchilik yézisidiki déhqanlar taza oxshighan neshpütlirini orap qachilash meshghulati bilen aldirash bolup, biz ularning mehsulatining amérika bazirigha kirgendin kéyin ularning kirimige qanchilik paydiliq bolghanliqini igilesh üchün téléfon qilduq. Yézidiki bir déhqan qizi ziyaritimizni qobul qildi.