Amérika dölet mudapi'e ministiri xitaygha qarshi "Ishenchlik tehdit" berpa qilidighanliqini éytti

Muxbirimiz memetjan jüme
2021-03-14
Share
Amérika dölet mudapi'e ministiri xitaygha qarshi Amérika dölet mudapi'e ministiri loyd ostin.
Social Media

13-Mart asiya sepirini bashlighan amérika dölet mudapi'e ministiri loyd ostin mezkur seper arqiliq amérikaning asiyadiki ittipaqdashliri bilen bolghan herbiy hemkarliqni kücheytip, xitaygha qarshi "Ishenchlik tehdit" berpa qilidighanliqini éytti.

Loyd ostin bu nöwet yaponiye, koréye we hindistanda ziyarette bolidighan bolup, u sepirini amérikaning hindi-ténch okyan herbiy qomandanliq shtabi jaylashqan haway shtatidin bashlighan.

Amérika dölet mudapi'e ministirliqining bu heqtiki bayanatigha qarighanda, u haway shtatigha qarap yolgha chiqqan ayropilanda ittipaqdashliq we hemkarliqning muhimliqini tekitlidi.

U mundaq dédi: "Xitay bizge tiz sürette küchiyiwatqan tehdit. Bizning meqsitimiz xitaygha yaki amérika bilen tutushmaqchi bolghan herqandaq birige qarshi ishenchlik tehdit bilen teminliyeleydighan iqtidar, meshghulat pilani we uqumlirimizning bolushigha kapaletlik qilish."

Melum bolushiche, dölet mudapi'e ministiri loyd ostinning tokyo we sé'ulgha qilghan sepirige tashqi ishlar ministiri antoniy billinkénmu qatnishidiken.

Loyd ostin bu heqte mundaq dédi: "Tashqi ishlar ministiri bilen men qilmaqchi bolghan ishlarning biri ittipaqdashliqni kücheytishke bashlash."

Billinkén 18-mart prézidént jow baydénning dölet bixeterlik meslihetchisi jeyk sulliwan bilen birlikte xitay kompartiyesi merkiziy komitéti siyasiy byurosining tashqi ishlargha mes'ul ezasi yang jyéchi we tashqi ishlar ministiri wang yi bilen alyaska shtatida körüshidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet