Лондонда 80 дин артуқ намайишчи хитайниң уйғурларға қаратқан зулумлириға наразилиқ билдүрди

Мухбиримиз җүмә
2020-09-13
Елхәт
Пикир
Share
Принт
80 Дин артуқ намайишчи хитайниң лондонда турушлуқ әлчиханиси алдиған йиғилип хитайниң уйғурларға қаратқан зулумлириға наразилиқ билдүрди. 2020-Йили 11-сентәбир.  Лондон, әнглийә.
80 Дин артуқ намайишчи хитайниң лондонда турушлуқ әлчиханиси алдиған йиғилип хитайниң уйғурларға қаратқан зулумлириға наразилиқ билдүрди. 2020-Йили 11-сентәбир. Лондон, әнглийә.
Social Media

Җүмә күни 80 дин артуқ намайишчи хитайниң лондонда турушлуқ әлчиханиси алдиған йиғилип хитайниң уйғурларға қаратқан зулумлириға наразилиқ билдүрди.

«VICE» Агентлиқиниң хәвәр қилишичә, бу намайишқа садә савйер исимлик йеқинда алий мәктәпни пүттүргән оқуғучиниң уйғурлар учраватқан зулум һәққидики твиттер учури сәвәб болған.

Униң ейтишичә, у йеқинда хитайниң бир милйондин артуқ уйғурни җаза лагериға ташлиғанлиқи һәққидики бир филимни көргәндин кейин җиддий намайиш қилишни пилан қилған вә твиттерда чақириқ елан қилған. Униң бу учури 30 миң қетимдин артуқ һәмбәһриләнгән.

Техи өткән һәптигичә 30 дин артуқ твиттер әгәшкүчиси бар болған садә твиттерда қозғалған бу кәң көләмлик инкастин өзиму һәйран қалған.

У мундақ дегән: «мән техи өткән һәптигичә буниңдин хәвәр сиз икәнмән. Буларниң йиллардин буян давам қиливатқанлиқи адәмни шүркүндүриду.»

«Вайс» агентлиқиниң зияритини қобул қилған намайишчилар уйғурларниң йиғивелиш лагерлириға ташлиғанлиқиға қариши бу йәргә кәлгәнликини, хитайниң буларни «қайта тәрбийәләш» дәп атиғанлиқини, уйғурларниң өз мәдәнийитидин мәһрум қалдурулғанлиқни ейтишқа.

У лар йәнә, әнглийә һөкүмитиниң бу лагерларни тохтитиш үчүн хитайға бесим ишлитиши лазимлиқини билдүргән.

Бу һәқтә тохталған бир мусулман намайишчи, буниң бир мусулман мәсилиси әмәс, бәлки ирқий қирғинчилиқ вә инсанийәт мәсилиси икәнлики ейтқан.

Намайишқа иштирак қилғанларниң көпинчиси яшлар болуп, улар қоллирида шәрқий түркистанниң ай-юлтузлуқ көк байриқи вә «хитай ирқий тазилашни тохтат», «уйғурларға адаләт», «дуня: 1945-йили һәргиз қайтиланмисун, дедуқ-ю, 2020-йили биз буни йәнә қилдуқ» дегәндәк сөзләр йезилған пилакатларни көтүрүшкән һалда намайишни давамлаштурған.

Хитайниң 1. 8 Милйондин 3 милйондин артуқ асаслиқи уйғурларни тәшкил қилидиған түркий милләтләрни йиғивелиш лагерлириға ташлиғанлиқи мәлум.

Пикирләр (0)
Share
Толуқ бәт