Londonda 80 din artuq namayishchi xitayning Uyghurlargha qaratqan zulumlirigha naraziliq bildürdi

Muxbirimiz jüme
2020-09-13
Élxet
Pikir
Share
Print
80 Din artuq namayishchi xitayning londonda turushluq elchixanisi aldighan yighilip xitayning Uyghurlargha qaratqan zulumlirigha naraziliq bildürdi. 2020-Yili 11-séntebir.  London, en'gliye.
80 Din artuq namayishchi xitayning londonda turushluq elchixanisi aldighan yighilip xitayning Uyghurlargha qaratqan zulumlirigha naraziliq bildürdi. 2020-Yili 11-séntebir. London, en'gliye.
Social Media

Jüme küni 80 din artuq namayishchi xitayning londonda turushluq elchixanisi aldighan yighilip xitayning Uyghurlargha qaratqan zulumlirigha naraziliq bildürdi.

"VICE" agéntliqining xewer qilishiche, bu namayishqa sade sawyér isimlik yéqinda aliy mektepni püttürgen oqughuchining Uyghurlar uchrawatqan zulum heqqidiki twittér uchuri seweb bolghan.

Uning éytishiche, u yéqinda xitayning bir milyondin artuq Uyghurni jaza lagérigha tashlighanliqi heqqidiki bir filimni körgendin kéyin jiddiy namayish qilishni pilan qilghan we twittérda chaqiriq élan qilghan. Uning bu uchuri 30 ming qétimdin artuq hembehrilen'gen.

Téxi ötken heptigiche 30 din artuq twittér egeshküchisi bar bolghan sade twittérda qozghalghan bu keng kölemlik inkastin özimu heyran qalghan.

U mundaq dégen: "Men téxi ötken heptigiche buningdin xewer siz ikenmen. Bularning yillardin buyan dawam qiliwatqanliqi ademni shürkündüridu."

"Ways" agéntliqining ziyaritini qobul qilghan namayishchilar Uyghurlarning yighiwélish lagérlirigha tashlighanliqigha qarishi bu yerge kelgenlikini, xitayning bularni "Qayta terbiyelesh" dep atighanliqini, Uyghurlarning öz medeniyitidin mehrum qaldurulghanliqni éytishqa.

U lar yene, en'gliye hökümitining bu lagérlarni toxtitish üchün xitaygha bésim ishlitishi lazimliqini bildürgen.

Bu heqte toxtalghan bir musulman namayishchi, buning bir musulman mesilisi emes, belki irqiy qirghinchiliq we insaniyet mesilisi ikenliki éytqan.

Namayishqa ishtirak qilghanlarning köpinchisi yashlar bolup, ular qollirida sherqiy türkistanning ay-yultuzluq kök bayriqi we "Xitay irqiy tazilashni toxtat", "Uyghurlargha adalet", "Dunya: 1945-yili hergiz qaytilanmisun, déduq-yu, 2020-yili biz buni yene qilduq" dégendek sözler yézilghan pilakatlarni kötürüshken halda namayishni dawamlashturghan.

Xitayning 1. 8 Milyondin 3 milyondin artuq asasliqi Uyghurlarni teshkil qilidighan türkiy milletlerni yighiwélish lagérlirigha tashlighanliqi melum.

Toluq bet