Луганодики “хитайға нәзәр” паалийитидә гуманлиқ “зиярәтчи” хитайлар паракәндичилик кәйпияти пәйда қилған

Берндин ихтиярий мухбиримиз һәбибулла изчи тәйярлиди
2024.02.23
xitaygha-keskin-nezer-1.jpg (Солдин) д у қ хәлқара мунасивәтләр комитети рәиси зумрәтай әркин, селина моррел, ризванай илһам лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийәттә. 2024-Йили 23-феврал, шиветсарийә.
RFA/Hebibulla Izchi

Шиветсарийәниң лугано шәһиридә өткүзүлүватқан “лугано кишилик һоқуқ вәхписи” саһибханилиқ қилған, чоң типтики “хитайға кәскин нәзәр” темисидики бир һәптилик бирләшмә паалийәт җәрянида өзлирини саяһәтчи көрсәткән хитайлар келип, паракәндичилик кәйпияти яратқан. 18-Феврал башланған бу бир һәптилик паалийәт җәрянида, лугано шәһәр мәркизидики “асило сияһни күлтүр мәркизи” ниң чоң залға хитайниң җаза лагерлириниң сизма рәсимлири вә лагер тутқунлири рәсимлири тизилған болуп, филим өйидә чәтәллик мухбирлар, мутәхәссисләр вә бинакарларниң чүшәндүрүшидики җаза лагери син филимлири тохтимай қуюлғандин башқа лагер шаһити қәлбинур сидиқ, гүлбаһар хативаҗи қатарлиқларниң гуваһлиқ видийолири вә лагер тутқунлириниң рәсимлик видийоси чоң екранда қоюлуп турғаниди. 23-Феврал бу паалийәткә саһибханилиқ қилғучи “лугано кишилик һоқуқ вәхписи” дин викторийә ханимниң билдүрүшичә, бу бир һәптә җәрянида бәзибир гуманлиқ хитайлар нәқ мәйданға келип рәсим тартқан вә синға алған. Шундақла викторийә ханимдин бәзи соалларни сорап, паракәндичилик селишқа урунған. Викторийә ханим зияритимизни қобул қилип, бу һәқтики тәпсилатларни биз билән ортақлишип мундақ деди:

 “бу паалийәт башланған дәсләпки күндин башлап, бу йәрлик әмәс хитайларму кирип көрүшкә башлиғаниди. Кейинки күнләрдә охшаш хитайлар бир нәччә қетим кәлди. Булардин бири мәндин соалларни сорашқа башлиди. Бу паалийәтни немигә тәшкиллидиңла? кимләр вә қанчилик киши қатнашти? дегәндәк соалларни сориди. Чаршәнбә күни йәнә кәлди вә бу йәрдики адәмләрни рәсим тартишқа вә синға елишқа башлиди. Биз, бу вақитта буларниң нормал адәмләр әмәсликини һес қилдуқ. ”

Лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийәттә лагер шаһити қәлбинур сидиқ ханим син арқилиқ доклат бәрмәктә. 2024-Йили 23-феврал, шиветсарийә.
Лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийәттә лагер шаһити қәлбинур сидиқ ханим син арқилиқ доклат бәрмәктә. 2024-Йили 23-феврал, шиветсарийә.
RFA/Hebibulla Izchi

 Викторийә ханим йәнә :сиз уларни “хитайниң җасус гумандарлири дәп қарамсиз?” дегән соалимизға шундақ җаваб бәрди: “лугано саяһәт шәһири, әмма бу пәсил асасән саяһәтчи кәлмәйдиған пәсил, бу адәмләр өзини саяһәтчи дегини билән, юқири сәвийәдики инглизчә, италянчисидин буларниң нормал адәмликигә ким ишиниду? йәнә биригә буларниң сориған соали бу йәрдики көргән нәрсиләр һәққидә әмәс бәлки улар буни тәшкиллигүчи тәшкилат вә шәхсләрниң учурини сориди, шундақла оғрилиқчә синға елишти вә рәсим тартишти. Әмма бу паалийәт башлиништин бурунла бундақ назарәт қилишлар башланғаниди”.

Лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийитигә қатнашқучи бир ханим лагер шаһити гүлбаһар хативаҗи ханимниң имзасини алмақта. 2024-Йили 23-феврал, шиветсарийә.
Лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийитигә қатнашқучи бир ханим лагер шаһити гүлбаһар хативаҗи ханимниң имзасини алмақта. 2024-Йили 23-феврал, шиветсарийә.
RFA/Hebibulla Izchi

Бу һәқтә мәркизи шивейтсарийәниң зюрих шәһиридики, “шивейтсарийә тибәт достлуқ җәмийити” ниң хадими вә шивейтсарийәдә чиқидиған “тибәткә нәзәр” пәсиллик журнилиниң баш муһәррири бәттина ханимму зияритимизни қобул, викторийә ханимниң ейтқанлирини толуқлап шундақ дәйду.

 “бу бир һәптилик паалийитимиз наһайити яхши өтти, биз үчүнму, шундақла уйғур паалийәтчиләр вә тәшкилатлар үчүнму наһайити яхши бир паалийәт болди. Паалийәт җәрянида нурғун кишиләр кирип нәқ мәйданни екскурсийә қилди вә соаллар сорашти. Һәммидин бәкрәк бизни хушал қилғини, филим салониға һәр күни мәктәпләр оқуғучилирини синип бойичә әкелип көрсәтти. Әмма бу җәрянда бәзи адәмни раһәтсиз қилидиған ишларму йүз бәргән болди. Мәсилән чаршәнбә, сәйшәнбә, дүшәнбә күнлири хитайниң адәмлири келип нәқ мәйданда рәсим тартидиған, видийоға алидиған ишлар йүз бәрди. Викторийәдин вә башқилардин соалларни сорап учур елишқа тиришти. ”

Лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийитидә лугано кишилик һоқуқ вәқпидин векторийә ханим зияритимизни қобул қилди. 2024-Йили 23-феврал, шиветсарийә.
Лугано шәһиридә өткүзүлгән “хитайға кәскин нәзәр” темисидики бир һәптилик бирләшмә паалийитидә лугано кишилик һоқуқ вәқпидин векторийә ханим зияритимизни қобул қилди. 2024-Йили 23-феврал, шиветсарийә.
RFA/Hebibulla Izchi

Бу бир һәптилик паалийәтниң бүгүнки, йәни 23-февралдики пирограммисиға, филимдики шаһитларни көргүчиләр билән учраштуруш мәқситидә фирансийәдики лагер шаһити гүлбаһар хативаҗи ханимму тәклип қилинип йетип кәлгәниди. Филим өйидә екранда униң сәргүзәштлирини көргән кишиләр арқа-арқидин гүлбаһар ханим билән хатирә сүрәткә чүшүшти вә китабиға имза қойғузушти.

Хәтәр астидики милләтләрни қоғдаш тәшкилатидин селина моррел ханим(оңда) қурултай вәкиллири вә шиветсарийә уйғур җәмийити рәиси ризванай билән. 2024-Йили 23-феврал, шиветсарийә.
Хәтәр астидики милләтләрни қоғдаш тәшкилатидин селина моррел ханим(оңда) қурултай вәкиллири вә шиветсарийә уйғур җәмийити рәиси ризванай билән. 2024-Йили 23-феврал, шиветсарийә.
RFA/Hebibulla Izchi
Бу мунасивәт билән гүлбаһар ханим зияритимизни қобул қилип: “бүгүн бу йәргә, шәрқий түркистандики зулум вә хитайниң ирқий қирғинчилиқ җинайитини аңлатқили кәлдим” дәйду

“лугано кишилик һоқуқ вәхписи” саһибханилиқ қилған, дуня уйғур қурултийи, шивейтсарийә уйғур җәмийити, хәтәр астидики милләтләрни қоғдаш тәшкилати, тибәт тәшкилатлири бирлишип өткүзүватқан, шивейтсарийә радийо-телевизийәси һәмкарлашқан “хитайға кәскин нәзәр” намидики бу паалийәтниң өткүзүлүватқанлиқиға бир һәптә болған болсиму йәнила “асило сияһни мәдәнийәт мәркизи” екскурсийә қилғучилар билән лиқ толған болуп, бу паалийәт йәкшәнбә күнигичә давам қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.