“Memtili tewpiq fondi” türkiyediki Uyghur aspirantlargha yardem puli béridu

Muxbirimiz erkin tarim
2015.08.28
Share on WhatsApp
Share on WhatsApp
turkiye-uyghur-akademiye-abdulhamit-karahan-qaraxan.jpg Uyghur akadémiyesi re'isi abdulxemit qaraxan
RFA/Erkin Tarim


Weten we milletke yaramliq yashlarning téximu köp yétiship, Uyghur pen - tetqiqatchi we akadémiklerning sépige qétilishi üchün, türkiye Uyghur akadémiyesi chet'eldiki meripetperwer Uyghurlarning yardimi bilen 2014 - yilidin bashlap “Memtili tewpiq fondi” Uyghur magistir we doktur oqughuchilar oqush yardem pulini tesis qilghan idi.

Mezkur fondi ötken yili oqush netijisi alahide yaxshi bolghan, emma oqush yardem puligha éhtiyajliq bolghan 4 magistir we 2 doktur oqughuchisigha bir yilliq oqush yardem puli berdi. Bu oqush yardem puli, derste ela, emma a'ile iqtisadi yaxshi bolmighan Uyghur magistir we doktur oqughuchilirining derdige derman bolup kelmekte.

Uyghur akadémiyesi meripetperwer Uyghurlarning yardimi bilen,2015 - , 2016 - oqush yili üchünmu “Memtili tewpiq fondi” Uyghur magistir we doktur oqughuchilar oqush yardem pulini bérishni dawamlashturidu.

Uyghur akadémiyesi re'isi abdulxemit qaraxanlining éytishiche oqush mukapat puligha érishishning asasliq shertliri töwendikidek iken.

1 - Bu oqush yardem puligha peqet türkiyede magistirliq we doktorluqta öz xirajiti bilen oquwatqan Uyghur oqughuchilarla iltimas qilalaydu. Iltimas qilghuchilargha yash cheklimisi qoyulmaydu.

2 - 2015 - , 2016 - oqush yili Uyghur magistir we doktur oqughuchilar oqush yardem puligha iltimas shertliri muwapiq bolghanlar 2015 - yili séntebirdin 2016 - yili iyun'ghiche jem'iy 10 ay oqush yardem puligha érishidu. Uqush yardem puli her ayning 15 - künidin 20 - künigiche oqughuchining banka hésabigha yatquzulidu.

3 - Her ayliq oqush yardem puli sommisi doktor aspiranti üchün 450 türk lirasi, magistir aspiranti üchün 350 türk lirasidur.

4 - Oqush yardem puligha iltimas qilghuchi oqughuchilar choqum türkiyening herqandaq bir aliy mektipide öz xirajiti bilen oquwatqan bolushi we bashqa herqandaq dölet organliridin oqush mukapati we oqush yardem puli almighan bolushi telep qilinidu.

5 - Oqush yardem puligha érishken oqughuchilar Uyghur akadémiyesining ilmiy pa'aliyetlirige özlükidin aktip qatnishishi, peqetla mekteptiki derslerdila ela netije qazinishni nishan qilipla qalmay, belki ijtima'iy munasiwetlerde Uyghur oqughuchilargha ülgilik ish we heriketlerde bolushi telep qilinidu.

Yuqiriqi shertlerni hazirlighan Uyghur magistir we doktur oqughuchilar Uyghur 6 - séntebir künigiche élxet arqiliq akadémiyesige biwasite iltimas sunushi kérek.

2015 - , 2016 - oqush yili “Memtili tewpiq fondi” Uyghur magistir we doktur oqughuchilar oqush yardem puli alghan oqughuchilar kéyinki yili öz emeliy ehwali we qolgha keltürgen netijilirige asasen qayta iltimas qilsa bolidu.

Iltimas qobul qilish axirqi waqti 2015 - yili 9 - ayning 6 - künigiche iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.