Uyghur akadémiyesi tesis qilghan "Tewpiq mukapati" gha iltimas qilish resmiy bashlandi

Ixtiyariy muxbirimiz erkin tarim
2016-09-27
Élxet
Pikir
Share
Print
Uyghur akadémiyesi tesis qilghan "Tewpiq mukapati" gha iltimas qilish uqturushi.
Uyghur akadémiyesi tesis qilghan "Tewpiq mukapati" gha iltimas qilish uqturushi.
RFA/Erkin Tarim

Istanbuldiki Uyghur akadémiyesi türkiyediki aliy mekteplerde bakalawr, magistir we doktorluqta oquwatqan Uyghur oqughuchilar üchün tesis qilghan memet éli tewpiq oqush mukapatigha iltimas qilish resmiy bashlandi.

Mezkur mukapatqa iltimas qilish waqti 10-ayning 31-künigiche dawamlishidighan bolup, mezkur mukapatqa iltimas qilidighan oqughuchilar birinchidin, choqum türkiyening aliy mektipide öz xirajiti bilen bakalawrliq, magistirliq we doktorluq unwanliri üchün oquwatqan bolushi, ikkinchidin herqandaq bir dölet orginidin oqush mukapati yaki oqush yardem puli almighan bolushi, üchinchidin mekteptiki derslerde ela netije qazinishni nishan qilipla qalmay, belki ijtima'iy munasiwetlerdimu Uyghur oqughuchilargha ülgilik ish heriketlerde bolushi shert iken.

Biz bu mukapat heqqide téximu tepsiliy melumat igilesh üchün Uyghur akadémiyesi re'isi abduxemit qaraxan ependi, izmir ege uniwérsitéti oqutquchisi, proféssor doktor alimjan inayet ependiler bilen söhbet élip barduq.

Abduxemit qaraxan ependi ikki yildin béri tarqitiliwatqan tewpiq oqush mukapat puligha érishishning shertliri, sommisi we oqughuchi sani toghrisida tepsiliy melumat berdi.

Proféssor doktor alimjan inayet ependi tewpiq oqush mukapat pulini kücheytip téximu köp kishige bérishning paydiliq bolidighanliqini, shunga saxawetchi Uyghurlarning Uyghur akadémiyesini qollap quwwetlishi kéreklikini tekitlidi.

Memet éli tewpiq oqush mukapat puli Uyghur akadémiyesi teripidin 2014-yili tesis qilin'ghan bolup, hazirghiche 17 oqughuchigha bérilgen. Bu yil iltimas qilghan oqughuchilardin onni tallap béridiken.

Toluq bet