Parizh shehiride “Uyghurlarning ana til mesilisi muhakime yighini” bashlinish aldida turmaqta
2014.02.20
2014 - Yili 2 - ayning 21 - küni, birleshken döletler teshkilati (b d t) teripidin dunya ana tili küni dep élan qilin'ghanliqining 15 yilliq xatire küni.
Merkizi parizh shehiridiki b d t ma'arip, ilim - pen we medeniyet teshkilati bu ehmiyetlik künni pütün dunya miqyasida zor daghdugha bilen tebrikleshke hazirliniwatqanda parizh shehiride Uyghur tili duchar boliwatqan mesililer toghrisida muzakire élip bérilishqa qedem bésildi. Bügün, yeni 20 - féwral küni axsham bu yighinda sözleydighan mutexessisler we türkiye, ottura asiya, yawropa döletliridin kelgen Uyghurlar parizhdiki “Tim” méhmanxanisigha yighilishqa bashlidi. Ular bir tereptin etiki pa'aliyetning teyyarliq xizmitini qilsa yene bir tereptin herqaysi döletlerdin kelgen mutexessislerni kütmekte.
Biz bu pa'aliyet toghrisida téximu köp melumat igilesh üchün d u q ijra'iye komitéti mudiri dolqun eysa ependi we abduréshit turdi ependi bilen söhbet ötküzduq.
Dolqun eysa, bu qétimqi yighinda ispaniye, litwaniye, italiye, türkiye we fransiye qatarliq döletlerdin kelgen til mutexessislirining Uyghurlarning ana til hoquqi toghrisida qimmetlik köz qarashlirini otturigha qoyidighanliqini, bu pa'aliyetlerning Uyghur ana til herikitige paydiliq ikenlikini bildürdi.
B d t ma'arip, ilim - pen we medeniyet teshkilati teripidin 1999 - yilidin étibaren her yili 2 - ayning 21 - künini “Dunya ana tili küni” dep békitish qarar qilin'ghan idi.
D u q bu pursettin paydilinip, 2014-yili 2-ayning 21-küni, parizh shehiride, mexsus xelq'araliq ilmiy muhakime yighini we pütün yawropadiki Uyghur teshkilatlirining qatnishishida keng kölemlik birleshme namayish ötküzmekchi.