Shiwétsiyede “Uyghur tilini qoghdap qalayli” mawzusida pa'aliyet ötküzüldi

“Dunya ana - til küni” munasiwiti bilen 22 - féwral küni shiwétsiyening paytexti stokholm shehirige qarashliq ténista rayonning kütüpxana pa'aliyet zalida “Yashlar ana - til jem'iyiti” ning orunlashturushi bilen “Uyghur tilini qoghdap qalayli” dégen mawzuda pa'aliyet ötküzüldi.

Pa'aliyet shu yer waqti sa'et 14:00de bashlandi.

Pa'aliyetke shiwétsiyening herqaysi jayliridin yighilghan Uyghur jama'etchilikining wekilli'irdin 100din artuq kishi qatnashti.

Bu pa'aliyette shwétsiyede yashawatqan ziyaliylardin merhum küresh küsen ependimning xanimi bextigül abduréhim “Ana til wijdanimizdur” dégen témida léksiye sözlidi.

Pa'aliyet jeryanida shwétsiyede yashawatqan Uyghur sen'etchiler yéqimliq naxsha - muzikilarni orunlidi.

Pa'aliyetke yiraq sheherdin kélip qatnashqan qunduz hamut xanim bu pa'aliyettiki tesiratini bayan qildi.

“Mehmut qeshqiri ana - til mektipi” oqughuchilliri teyyarlighan shé'ir, épizotlar pa'aliyetke qatnashquchilar teripidin qarshi élindi.

Pa'aliyet axirda Uyghur ma'arip uyushmisi teripidin neshir qildurghan “Shiwétche - Uyghurche lughet” pa'aliyetke qatnashqan Uyghurlar teripidin sétiwélindi.

Ziyaritimizni qubul qilghan pa'aliyet riyasetchisi abdulla ehed pa'aliyet heqqide toxaldi.

Tepsilatini awaz ulinishtin anglighaysiz.

Bu xewerni shiwétsiyedin éhsan teyyarlidi.