Türkiyening 2016-yilliq oqush mukapati iltimasi resmiy bashlanmaqchi

Ixtiyariy muxbirimiz erkin tarim
2016.02.25
Share on WhatsApp
Share on WhatsApp
turkiyede-oqush-mukapat-puli.jpg Türkiye döletlik oqush mukapatigha iltimas qilish uqturushi. 2016-Yili féwral.
turkiyeburslari.gov.tr

Türkiye bash ministirliqigha qarashliq muhajirettiki türkler we qérindash milletler bashqarmisining tor bétide bildürüshiche, türkiye oqush mukapati 2016-yilliq toluq kurs, magistir we doktorluq oqush iltimasi 2-ayning 28-küni bashlinip, 3-ayning 31-küni axirlishidiken. Iltimas qilish peqetla tor arqiliq bolidighan bolup, bashqa yollar bilen qilin'ghan iltimas qobul qilinmaydiken. Iltimas qilghuchilar torda élan qilin'ghan kesiplerdin özi xalighan birini tallisa bolidiken. Türkiyede oqush mukapatigha érishken oqughuchilar türkiyede bir yil teyyarliq sinipida türkche ögen'gendin kéyin kesip oqushini bashlaydiken.

Bu heqtiki uqturushning tepsilati bérilgen www.turkiyeburslari.gov.tr Namliq tor bétide körsitilgenlerge asaslan'ghanda, ayda bérilidighan oqush mukapat puli toluq kurs oqughuchiliri üchün 600 türk lirasi, magistir oqughuchilar üchün 850 türk lirasi, doktorluq oqughuchilar üchün 1200 türk lirasi iken. Oqush heqsiz bolup kélish-kétish ayropilan béliti yataq we salametlik sughurtisi dölet teripidin tölinidiken.

Uqturushta yene türkiye döletlik toluq kurs, magistirliq we doktorluq oqush mukapati iltimasi heqqide diqqet qilishqa tégishlik muhim nuqtilar körsitilgen bolup, namzatlar chet'ellik bolushi, türkiyede bir uniwérsitétta oquwatqan bolmasliqi, eng kech 2016-yili 7-ayning30-künidin burun oqush püttüridighan bolushi, magistirliqqa tizimlatmaqchi bolghanlar: 1986-yil 1-ayning 1-künidin kéyin tughulghan bolushi, doktorluqqa tizimlatmaqchi bolghanlar: 1981-yili 1-ayning 1-künidin kéyin tughulghan bolushi, omumiy ders netijisi 75% pirsent bolushi telep qilin'ghan.

Bu heqte ziyaritimizni qobul qilghan türkiyening enqere shehiridiki ottura asiya türkiy jumhuriyetliridin kelgen oqughuchilargha türkche ögitiwatqan we uniwérsitétqa iltimas qilishigha meslihetchilik qiliwatqan menggütash til merkizi mudiri rena qaraxan xanim iltimas qilishning shertliri toghrisida melumat berdi. U, oqughuchilar kesip tallighanda munasiwetlik kesiplerni tallimisa shallinip kétidighanliqini bayan qildi.

Türkiyediki izmir ege uniwérsitéti oqutquchisi proféssor alimjan inayetmu türkiyediki aliy mekteplerning 250 din ashidighanliqi, Uyghur oqughuchilarning mektep tallighanda peqet istanbul we enqerediki mekteplernila tallimay bashqa sheherlerdiki mekteplernimu tallishi kéreklikini bildürdi.

2015-Yili türkiyede bakalawrliq, magistirliq we doktorluqta oqush üchün, 150 ming oqughuchi oqush mukapat puli üchün iltimas qilghan bolup, buning ichidin 5 ming oqughuchi tallinip türkiyediki uniwérsitétlargha orunlashturulghan. 2015-Yili Uyghurlardin 50 oqughuchi türkiye uniwérsitétlirigha orunlashturulghan. Meyli qaysi dölettin qanche köp kishi iltimas qilishidin qet'iynezer, herqaysi qit'elerdiki döletler boyiche bahalash élip bérilidighan bolghachqa, melum bir döletke muqim qilip ayrip bérilgen san yoq iken, kimning oqush netijisi yaxshi we yüz turane imtihanda qayil qilarliq netije alalisa, shu tallinidiken, riqabet intayin keskin, emma tallash adil iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.