Uyghuryar fondi "Uyghurum anam" témisida balilar köriki ötküzmekchi

Ixtiyariy muxbirimiz erkin tarim
2017-10-20
Share
Uyghuryar-fondi-torbeti.jpg "Uyghuryar fondi" torbétining bashbéti.
Photo: RFA

Künimizde uchur-alaqe wasitiliridiki tereqqiyat muhajirette yashawatqan Uyghurlar üchün köp qolayliqlar élip keldi.

Yéqinda "Uyghuryar fondi" bashqurush hey'itining qarari bilen shiwétsiyede yashawatqan Uyghur ziyaliysi kündüzay mahmut xanim, kanada torontoda turuwatqan adalet xanim we norwégiyediki gülnar xanimlarning yétekchilikide "Uyghur ösmürler watsap topi" quruldi.

"Uyghuryar fondi" ning orunlashturushi bilen bu ishni élip bériwatqan künduzay mahmut xanim Uyghur tili pa'aliyetchisi abduweli ayup qatarliqlarning teshebbusi bilen mezkur pa'aliyetni bashlighanliqini, buningdiki asasiy meqsetning Uyghur perzentlirige ana tilini pishshiq ögitish ikenlikini bayan qildi. 

"Uyghuryar fondi" yeni Uyghur hemkarlishish fondining türkiyediki wekili batur qaraxanli ependi bu heqtiki ziyaritimizni qobul qilip munularni bildürdi: "Ösmürlirimiz özi sizghan resim, yasighan ewrishke, ana tilda yazghan eserler, yaki yazghan shé'ir, hékayilerni bu topqa ewetip, tengtushliri bilen ortaqlishiwatidu, öz'ara tonushuwatidu."

Batur qaraxanli ependi bu pa'aliyetni qollash we téximu janliq halgha keltürüsh üchün "Uyghuryar fondi" ning bashqurush hey'et ezaliri muzakire élip bérip, "Uyghurum anam" témisida balilar köriki ötküzüshni qararlashturghanliqini, 3 yashtin 13 yashqiche Uyghur yashlirining bu pa'aliyetke qatnashsa bolidighanliqini bayan qildi. 

Batur qaraxanli ependi bu musabiqige qatnashqan balilarning eserlirini 11 kishidin terkib tapqan bir hey'et bahalap 12-ayning 10-küni mukapat tarqitidighanliqini bayan qildi.

Künduzay mahmut xanim chet'eldiki Uyghur balilar ichide köp sanda talantliq balilarning barliqini, mushundaq pa'aliyetler arqiliq ularning ana til söygüsini kücheytkili bolidighanliqini, ata-anilarning balilirigha masliship bérishi kéreklikini bayan qildi. 

Türkiyede doktorluq ilmiy unwani üchün oquwatqan Uyghur ziyaliysi abduwahit ependi chet'elde Uyghurlarning köpiyishige egiship Uyghur perzentlerningmu köpiyiwatqanliqini, ana tilni qoghdap qélish üchün bu xildiki pa'aliyetlerning muhim ikenlikini bayan qildi. 

"Uyghuryar fondi" 2016-yili 10-ayda meripetperwer 7 Uyghur ziyaliysi teripidin qurulghan bolup, hazirghiche iqtisadiy jehettin qiynilip qalghan köp sandiki Uyghur oqughuchigha yardem qilghan. Misirdin türkiyege kélishi üchün 62 oqughuchigha ayropilan béliti élip bergen. Mezkur yardem pa'aliyitini sistémilashturush üchün oqush mukapat puli tesis qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet