Altun ademler mukapatini tarqitish murasimida Uyghurlargha alaqidar shé'ir oquldi

Ixtiyariy muxbirimiz arslan
2015.10.20
Share on WhatsApp
Share on WhatsApp
yipek-yoli-altun-ademler-mukapati-4.jpg

12-Qétimliq yipek yoli altun ademler mukapatini tarqitish murasimidin körünüsh. 2015-Yili 16-öktebir, istanbul. RFA/Arslan

yipek-yoli-altun-ademler-mukapati-3.jpg

12-Qétimliq yipek yoli altun ademler mukapatini tarqitish murasimidin körünüsh. 2015-Yili 16-öktebir, istanbul. RFA/Arslan

yipek-yoli-altun-ademler-mukapati-2.jpg

12-Qétimliq yipek yoli altun ademler mukapatini tarqitish murasimidin körünüsh. 2015-Yili 16-öktebir, istanbul. RFA/Arslan

yipek-yoli-altun-ademler-mukapati-1.jpg

12-Qétimliq yipek yoli altun ademler mukapatini tarqitish murasimidin körünüsh. 2015-Yili 16-öktebir, istanbul. RFA/Arslan

Yipek yoli altun ademler mukapatini tarqitish murasimi istanbul günen méhmanxanisida uyushturuldi we mukapat tarqitildi.

Yipek yoli istratégiyilik tetqiqatliri merkizi bilen xelq'araliq yipek yoli zhurnilining birlikte uyushturushi bilen 16-öktebir jüme küni 12-qétimliq yipek yoli altun ademler mukapatini tarqitish murasimi istanbul günen méhmanxanisida uyushturuldi we mukapat tarqitildi.

Murasimgha gérmaniye, en'gliye, rusiye, ezerbeyjan, qazaqistan, qirghizistan qatarliq köpligen döletlerdin muhim erbablar qatnashti.

Murasimgha samsun sheher bashliqi yüsüf ziya, adalet we tereqqiyat partiyisi rehberliridin proféssor edibe sözen, türkiyening qirghizistanda turushluq bash elchisi métin qilich, qirghizistanning türkiyediki bash elchisi ibrahim yunusuf qatarliqlardin bashqa yene diplomatlar, soda karxanichilar, ammiwi teshkilatlarning mes'ulliri bolup köp sanda kishi qatnashti.

Murasimda aldi bilen yipek yoli istratégiyilik tetqiqatliri merkizining re'isi shundaqla xelq'araliq yipek yoli zhurnilining imtiyaz sahibi seyfullah türksoy ependi échilish nutqi sözlep mundaq dédi: oxshimighan jughrapiyilerde muweppeqiyetlik xizmetlerni ishligen altun insanlirimizni bir yerge jem toplinishini we dostluq hemkarliq köwrükining qurulushigha wasite bolghanliqning iptixarini hés qiliwatimiz.

Murasimda Uyghur ziyaliy mirkamil qeshqeri we oghli mujahid qeshqeri teklip bilen qatnashti we mujahid qeshqeri shé'ir déklamatsiye qildi.

Murasimida 8 yashliq Uyghur perzenti mujahid qeshqeri “Men türkistan perzentimen, sadalirim ichimge patmaydu” namliq shé'irlarni jarangliq déklamatsiye qildi we qizghin alqishqa érishti.

Murasimda samsun sheher bashliqi yüsüf yilmaz ependi tarixi we medeniyet miraslarni qoghdash jehette körsetken tirishchanliqi sewebidin altun ademler mukapatigha layiq körüldi.

Uningdin bashqa yene türkiyening qirghizistan bash elchisi métin qilich ependi diplomatiye xizmetliri sewebidin mukapatqa layiq körüldi. Uningdin bashqa yene shé'ir yézish, edebiyat sen'et qatarliq bir qanche türler boyiche 13 kishige mukapat bérildi.

Biz bu pa'aliyet toghrisida téximu köp melumatqa ige bolush üchün pa'aliyetke qatnashqan Uyghur zhurnalist mirkamil qeshqeri bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.