Amérikidiki Uyghur jama'etchiliki washin'gtonda jem bolup 2015-yilni kütüwaldi

Muxbirimiz qutlan
2015-01-01
Share
yengi-yil-2015-amerika.jpg 2015-Yilini kütüwélish pa'aliyitide d u q re'isi rabiye qadir xanim tebrik sözi qilmaqta. 2014-Yili 31-dékabir, amérika.
RFA

31-Dékabir küni kechqurun amérikidiki Uyghur jama'etchiliki paytext washin'gton etrapidiki fayrfaks rayonida jem bolup 2015-yilini daghdughiliq kütüwaldi.

Yéngi yilni kütüwélish pa'aliyitige washin'gton etrapida olturaqlashqan Uyghur jama'etchiliki we amérikining bashqa shtatliridin kelgen Uyghurlar qatnashti.

Mezkur pa'aliyetke amérika Uyghur birleshmisining re'isi alim séyitof riyasetchilik qildi. U yéngi yilni kütüwélish pa'aliyiti heqqide toxtilip, her yili ötküzülidighan tebriklesh pa'aliyitining muhajirettiki yash-ösmürlerge Uyghur medeniyiti we sen'iti boyiche terbiye élip bérishte muhim ehmiyetke ige ikenlikini tekitlidi.

Yéngi yilni kütüwélish pa'aliyiti bashlinishi bilen dunya Uyghur qurultiyining re'isi rabiye qadir xanim tebrik sözi sözlidi. U sözide amérikidiki we Uyghurlar wetinini öz ichige alghan pütün dunyadiki Uyghurlarning yéngi yilini tebriklidi.

Rabiye xanim bu yilliq yéngi yil pa'aliyitining özining 2005-yili xitay türmisidin chiqip amérikigha kelgendin buyanqi 10-qétimliq yéngi yil pa'aliyiti ikenlikini we ötken 10 yil ichidiki özgirishlerni eslep ötti.

Yéngi yilni kütüwélish pa'aliyitining sen'et nomurliri aldi bilen en'gliyedin alahide teklip qilin'ghan "London Uyghur ansambili" ning naxshichisi we muhajirettiki Uyghur pa'aliyetchisi rehime mexmut xanimning yangraq naxshiliri bilen bashlandi.

Pa'aliyet dawamida er-ayallarning kolléktip ijrasidiki omumixor - "Bizning naxshimiz" milliy chalghularning tengkesh qilinishi bilen orunlandi.

Yash gitar mahirlirining orunlishidiki lirik naxsha-muzikilarmu pa'aliyetke qedem teshrip qilghan jama'etchilikke güzel keypiyat béghishlidi.

Pa'aliyet dawamida yene kichik ezimet pi'anino bilen "Elisge teqdim" namliq meshhur muzikini orundidi.

Axirida alim séyitof amérikida yashighuchi Uyghur jama'itining bu yilliq yéngi yilni kütüwélish pa'aliyitining muweppeqiyetlik we tesirlik bolghanliqi heqqide xulase sözi qildi.

Tepsilatini awaz ulinishtin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet