Almatada ataqliq sha'ir dolqun yasin xatirilendi

12-Dékabirda almataning yazghuchilar öyide ataqliq sha'ir, qazaqistan yazghuchilar ittipaqining iliyas zhansügürof namidiki mukapati we musteqil “Ilham” mukapatining sahibi dolqun yasinning 75 yilliqigha béghishlan'ghan xatirilesh pa'aliyiti ötküzüldi.

Qazaqistan yazghuchilar ittipaqi bashqarmisining uyushturushi we quddus ghojamiyarof namidiki jumhuriyetlik dölet Uyghur muzikiliq komédiye tiyatirining qollap-quwwetlishi bilen ötken mezkur murasim dolqun yasin heqqide chüshürülgen filim bilen échildi.

Uyghur edebiyati kéngishining re'isi yazghuchi exmetjan ashirof kirishme doklat oqughandin kéyin, sözge chiqqan almata wilayiti emgekchiqazaq nahiyilik meslihitining re'isi edilbék talqanbayéf, qazaqistan yazghuchilar ittipaqining katipi maraltay ra'imbék oghli, sana'etchiler, tijaretchiler we yéza igiliki xadimliri birleshmisining re'isi dilmurat quziyéf, jumhuriyetlik Uyghur étno-medeniyet merkizining re'isi shahimerdan nurumof we bashqilar sha'irning Uyghur edebiyati tereqqiyatigha qoshqan töhpisini, uning ijadiyitining alahidilikini, insaniy peziletlirini alahide tekitlidi. Murasimda shundaqla d. Yasin shé'irliri oquldi.

Radi'omiz ziyaritini qobul qilghan yazghuchi we dramaturg exmetjan hashirof d. Yasinning ijadiy pa'aliyiti heqqide toxtaldi.