Муһаҗирәттики уйғурларниң 5-май доппа байрими һәққидики тәсиратлири

Ихтиярий мухбиримиз әкрәм
2016-05-05
Share
doppa-bayrimi-2.jpg Уйғур допписи.
Social Media

5-Май доппа байрими мунасивити билән чәтәлләрдики уйғурлар түрлүк шәкилләрдә бу байрамни қоллаш ипадилирини билдүрүшти.

5-Май күни иҗтимаий таратқуларда " 5-май доппа байрими" ни түрлүк шәкилләрдә қутлаш паалийәтлири елип берилди. Уйғур или вә чәтәлләрдики уйғур зиялийлириниң уйғур миллий кимликини қоғдаш тәшәббуси нәтиҗисидә 3 йил илгири барлиққа келип, йилдин ‏- йилға омумлишиватқан бу байрам, бу йил техиму җанланған бир шәкилдә көзгә челиқти.

Бүгүн биз "5-май доппа байрими" мунасивити билән уйғур доппилирини кийип, мәзкур байрамни иҗтимаий таратқуларда тәбриклигән германийә, әнглийә, японийә қатарлиқ әлләрдики бир қисим уйғур зиялийлири билән сөһбәт елип бардуқ.

Германийәдики уйғур җамаәт әрбаблиридин аблимит турсун әпәнди 5-май доппа байриминиң әһмийити һәққидики қарашлирини баян қилди. японийәдики уйғур зиялийси илһам мәхмут әпәндиму бу һәқтә өзиниң чүшәнчилирини шәрһләп өтти. Әнглийәдики уйғур зиялийси әзиз әпәнди болса, бу байрамниң уйғур миллий кимликини қоғдашта зор әһмийәткә игә икәнликини тилға алди.

Германийәдики уйғур зиялийси абдувәли әпәнди, 5-май доппа байриминиң хитайниң миллий ассимилятсийә сияситигә қарши оттуриға чиққан бир мәдәний күрәш икәнликини тәкитлиди. Германийәниң карлисруһи шәһиридики уйғур зиялийси әнивәр әпәндиму, 5-май доппа байриминиң уйғур хәлқиниң хитайниң бастуруш сиясәтлиригә қарши җанлиқ бир инкаси икәнликини илгири сүрди.

Зияритимиз әснасида, германийәдики уйғур зиялийси абдувәли турсун әпәнди иҗтимаий таратқуларда 5-май күни елан қилған " доппам" намлиқ нахша вә шеирни радио аңлиғучилиримизниң һузуриға сунди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт