Muhajirettiki Uyghurlarning 5-may doppa bayrimi heqqidiki tesiratliri

Ixtiyariy muxbirimiz ekrem
2016-05-05
Share
doppa-bayrimi-2.jpg Uyghur doppisi.
Social Media

5-May doppa bayrimi munasiwiti bilen chet'ellerdiki Uyghurlar türlük shekillerde bu bayramni qollash ipadilirini bildürüshti.

5-May küni ijtima'iy taratqularda " 5-May doppa bayrimi" ni türlük shekillerde qutlash pa'aliyetliri élip bérildi. Uyghur ili we chet'ellerdiki Uyghur ziyaliylirining Uyghur milliy kimlikini qoghdash teshebbusi netijiside 3 yil ilgiri barliqqa kélip, yildin ‏- yilgha omumlishiwatqan bu bayram, bu yil téximu janlan'ghan bir shekilde közge chéliqti.

Bügün biz "5-May doppa bayrimi" munasiwiti bilen Uyghur doppilirini kiyip, mezkur bayramni ijtima'iy taratqularda tebrikligen gérmaniye, en'gliye, yaponiye qatarliq ellerdiki bir qisim Uyghur ziyaliyliri bilen söhbet élip barduq.

Gérmaniyediki Uyghur jama'et erbabliridin ablimit tursun ependi 5-may doppa bayrimining ehmiyiti heqqidiki qarashlirini bayan qildi. Yaponiyediki Uyghur ziyaliysi ilham mexmut ependimu bu heqte özining chüshenchilirini sherhlep ötti. En'gliyediki Uyghur ziyaliysi eziz ependi bolsa, bu bayramning Uyghur milliy kimlikini qoghdashta zor ehmiyetke ige ikenlikini tilgha aldi.

Gérmaniyediki Uyghur ziyaliysi abduweli ependi, 5-may doppa bayrimining xitayning milliy assimilyatsiye siyasitige qarshi otturigha chiqqan bir medeniy küresh ikenlikini tekitlidi. Gérmaniyening karlisruhi shehiridiki Uyghur ziyaliysi eniwer ependimu, 5-may doppa bayrimining Uyghur xelqining xitayning basturush siyasetlirige qarshi janliq bir inkasi ikenlikini ilgiri sürdi.

Ziyaritimiz esnasida, gérmaniyediki Uyghur ziyaliysi abduweli tursun ependi ijtima'iy taratqularda 5-may küni élan qilghan " Doppam" namliq naxsha we shé'irni radi'o anglighuchilirimizning huzurigha sundi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet