"Doppa biz" torining perde arqisida kim bar?

Muxbirimiz qutlan
2014-02-19
Élxet
Pikir
Share
Print
"Doppa biz" tor békitidin süretke tartilghan. 2014-Yili 12-féwral.
"Doppa biz" tor békitidin süretke tartilghan. 2014-Yili 12-féwral.
www.doppa.biz

Igilishimizche, yéqindin buyan otturigha chiqqan "Doppa biz" tori we uninggha bésiliwatqan bir yürüsh yazmilar weten ichi we muhajirettiki Uyghur jama'etchilikining küchlük diqqitini qozghighan.

Kim teripidin bashqurulup, qandaq arqa körünüshte meydan'gha chiqiwatqanliqi namelum bolghan bu tor bette "Tengritagh ishchisi" namidiki birining yazmiliri asasliq asasliq orun alghan. Bu yazmilarda merkezlik halda Uyghur xelqining islamiy étiqadi we en'enilirige hujum qilin'ghan.

"Doppa biz" torida "Tengritagh ishchisi" dégen texellus bilen yézilghan "Nur bekri—Uyghurlarning ulugh dahiysi", "Uyghur jem'iyitige ropashtin jalap paydiliq", "Uyghur dehrilirige chaqiriq", "Uyghur-xenzu ittipaqliship ortaq düshmen'ge taqabil turayli", "Uyghur xelqi némishqa hökümetni qollaydu we qollishi kérek?", "Uyghurlarning eng chong düshmini-siyasiy islamchilardur" dégen bir yürüsh yazmilar alahide közge chéliqidu.

Mezkur yazmilarda bir tereptin xitay kompartiyisi we hökümiti bilen hemkarlishish hemde uni himaye qilishning Uyghur xelqi üchün birdin-bir aqilane tallash ikenliki ilgiri sürülse, yene bir tereptin islam étiqadining Uyghurlarning milliy tereqqiyatidiki eng zor tosalghu ikenliki otturigha qoyulghan. "Tengritagh ishchisi" texellusini qollan'ghan salahiyiti namelum aptor öz yazmilirida ochuq-ashkara halda Uyghur xelqining islamiy étiqadigha hujum qilipla qalmastin, belki yene islam dinining muqeddes desturi "Qur'an kerim" ge we muhemmed eleyhissalamgha haqaret qilghan. Uning yazmilirida islam dini bilen bir qatarda yene xristi'an we yehudiy dinlirighimu hujum qilin'ghan. Bolupmu Uyghurlar arisida dinsizliq we dehrilik terghibati élip bérishni asasiy nishan qilghan.

"Tengritagh ishchisi" texellusidiki salahiyiti namelum aptor özining "Dunya, Uyghur mesiliside junggoni eyiplimey méni eyiplenglar!" namliq yazmisida mundaq dep yazghan: "Men Uyghurni söyimen, emma méning Uyghurlarni söyüshüm Uyghurlarni xushal qilmaydu, chünki men Uyghurlargha hujum qilimen. Uyghurlarni söygenler Uyghurlargha hujum qilsun! hujumning merkizi étiqad bilen en'ene. Men uninggha bir ömür hujum qilishni wezipem qilip tallidim…"

Melum bolushiche, Uyghur élidiki kompyutér téxnikisi alahide yuqiri bir qanchilighan yashlar "Doppa biz" torigha wirus hujumi qozghap, uning Uyghur yashlirining idiyisini qalaymiqanlashturushini tosushqa urun'ghan.

"Doppa biz" torining salahiyiti namelum bashqurghuchisi mezkur tor betke wirus hujumi qilghan Uyghur xakkirlirini agahlandurup mundaq bayanat bergen: "Aldinqi birqanche qétim doppa torigha hujum qilghan xakkirlar özlirining qilmishigha layiq intayin échinishliq azablarni tartmaqta. Men esli gep qilmay dégen, emma bundaq kétiwerse, yene qanchilighan siyasiy kallisi yoq xakkir yashlarning azabqa qélishi muqerrer. Torimizgha wirus ewetip hujum qilghan birqancheylen buning jazasini tartmaqta. Ularning échinishliq halitini körüp könglüm yérim bolghan bolsimu, emma amal yoq. Yurttila emes, hetta chet'ellerdiki xakkirlarmu iz qoghlap tekshürülmekte. Shunga men torimizgha hujum qilghuchilarning yash hayatini qedirlep, artuq ishlargha arilashmasliqini agahlandurimen."

"Doppa biz" tori we uningda élan qiliniwatqan yazmilar heqqide muhajirettiki Uyghur ziyaliyliri jiddiy inkas bildürdi. Bu heqte amérikida yashaydighan Uyghur ziyaliyliridin ilshat hesen ependi bilen türkiyede olturushluq doktor alimjan boghda ziyaritimizni qobul qilip öz qarashlirini bayan qildi.

Tepsilatini awaz ulinishtin anglighaysiz.

Pikirler (2)
Share

EL ETMISH BILGE KAGAN

Din OSLO

BISMILLAHIRREHMANIERREHIM: ALLANING DUSHMENLERI,DEWZWHNING YEKILGU OTUN_KOMURLERI WE PESKESH HAYATNING IGILERI BOLMISH HITAY KOMMUNESTLERI WE ULARNING PAYTEMA-PETAK ,GHALQA EGESHKUQILERI .........BU TOR BETNI EQIP ASHUNDAK REZILLIKLERNIN KILMAKTA ....

Feb 20, 2014 02:46 AM

EL ETMIX BILGE KAGAN

Din OSLO

BISMILLAHIRREHMANIRREHIM,SHUHBISIZKI BU TOR BETNING IGISI HITAY KOMMUNISTLERI WE UNING GHALQA YUNDIHORLERIDUR ,ULARNI ALLA DEWZEH-JEHENNEMDE YASHASHKA YARATKAN,BU KISKA DUNYADA 40 -50 YAKI KOP BOLSA 60-70 YIL , IT YAKI QOSHKA KEBI YEP -IQIP UHLAP KOPUP OTKENDIN KEYIN ØLIDU WE YALKUN-OT IQIDE MANGGU AGRIK -AZAP IQIDE YASHAYDU ....ENE SHU ULARNING BU GUNAHLERINING MUKAPAT-TEBRIK ZIYAPIITIDUR ......

Feb 20, 2014 02:02 AM

Toluq bet