Әнқәрәдә "уйғурларниң тили, тарихи вә җуғрапийәси" мавзулуқ илмий муһакимә йиғини чақирилмақчи

Мухбиримиз әркин тарим
2014-11-14
Share
enqere-uniwersititi-til-we-tarix-joghrapiye-fakulteti.jpg Әнқәрә университети тил вә тарих җуғрапийә факултети бинаси
RFA/Erkin Tarim


17-Ноябирдин 19-ноябирғичә түркийәниң пайтәхти әнқәрәдә "уйғурларниң тили, тарихи вә җуғрапийәси" мавзулуқ илмий муһакимә йиғини чақирилмақчи. Әнқәрә университети тил вә тарих җуғрапийә факултети һазирқи заман түркий тиллири вә әдәбиятлири бөлүми мудири уйғуршунас профессор доктор сәма барутҗу өзөндәр ханимниң башчилиқида уюштурған йиғинға түркийәниң һәрқайси университетлирида оқутқучи болуп ишләватқан уйғурлар вә уйғур тәтқиқати билән шуғуллиниватқан түрк академиклардин болуп 40 әтрапида киши қатнашмақчи.

Қизиқарлиқи шуки үч күн давамлишидиған йиғин 10 олтуруш шәклидә елип берилидиған болуп, һәр олтурушқа қатари бойичә "оғузхан олтуруши", "идиқут олтуруши", "һисам қурбан олтуруши", "султан сатуқ буғрахан олтуруши", "әйса йүсүп алиптекин олтуруши", "мәхмут қәшқири олтуруши", "улуғбәг олтуруши", "сәйди ваққасоф олтуруши", "хәмит төмүр олтуруши" қатарлиқ исимлар берилгән. Бу олтурушқа риясәтчилик қилидиған оқутқучилар алди билән улар тоғрисида қисқичә мәлумат бәргәндин кейин башқиларни сөзгә тәклип қилиду.

Һазирқи заман түркологийә тәтқиқатлири илмий муһакимә йиғини 2002-йилидин тартип һәр йили өткүзүлүп келиватқан илмий муһакимә йиғини болуп, бу йилқиси мәхсус уйғур тәтқиқати тоғрисида өткүзүлиду.

Уйғур тәтқиқат йиғининиң тәклипнамиси
Уйғур тәтқиқат йиғининиң тәклипнамиси

Биз бу йиғин тоғрисидики көз қаришини елиш үчүн 2002-йилидин тартип бу йиғинға қатнишип келиватқан доктор әркин әкрәм әпәндигә микрофонимизни узаттуқ.

У, әнқәрә университетида өткүзүлидиған "уйғурларниң тили, тарихи вә җуғрапийәси" мавзулуқ илмий муһакимә йиғиниң әһмийити тоғрисида тохталди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт