Enqerede "Uyghurlarning tili, tarixi we jughrapiyesi" mawzuluq ilmiy muhakime yighini chaqirilmaqchi

Muxbirimiz erkin tarim
2014-11-14
Share
enqere-uniwersititi-til-we-tarix-joghrapiye-fakulteti.jpg Enqere uniwérsitéti til we tarix jughrapiye fakultéti binasi
RFA/Erkin Tarim


17-Noyabirdin 19-noyabirghiche türkiyening paytexti enqerede "Uyghurlarning tili, tarixi we jughrapiyesi" mawzuluq ilmiy muhakime yighini chaqirilmaqchi. Enqere uniwérsitéti til we tarix jughrapiye fakultéti hazirqi zaman türkiy tilliri we edebiyatliri bölümi mudiri Uyghurshunas proféssor doktor sema barutju özönder xanimning bashchiliqida uyushturghan yighin'gha türkiyening herqaysi uniwérsitétlirida oqutquchi bolup ishlewatqan Uyghurlar we Uyghur tetqiqati bilen shughulliniwatqan türk akadémiklardin bolup 40 etrapida kishi qatnashmaqchi.

Qiziqarliqi shuki üch kün dawamlishidighan yighin 10 olturush sheklide élip bérilidighan bolup, her olturushqa qatari boyiche "Oghuzxan olturushi", "Idiqut olturushi", "Hisam qurban olturushi", "Sultan satuq bughraxan olturushi", "Eysa yüsüp aliptékin olturushi", "Mexmut qeshqiri olturushi", "Ulughbeg olturushi", "Seydi waqqasof olturushi", "Xemit tömür olturushi" qatarliq isimlar bérilgen. Bu olturushqa riyasetchilik qilidighan oqutquchilar aldi bilen ular toghrisida qisqiche melumat bergendin kéyin bashqilarni sözge teklip qilidu.

Hazirqi zaman türkologiye tetqiqatliri ilmiy muhakime yighini 2002-yilidin tartip her yili ötküzülüp kéliwatqan ilmiy muhakime yighini bolup, bu yilqisi mexsus Uyghur tetqiqati toghrisida ötküzülidu.

Uyghur tetqiqat yighinining teklipnamisi
Uyghur tetqiqat yighinining teklipnamisi

Biz bu yighin toghrisidiki köz qarishini élish üchün 2002-yilidin tartip bu yighin'gha qatniship kéliwatqan doktor erkin ekrem ependige mikrofonimizni uzattuq.

U, enqere uniwérsitétida ötküzülidighan "Uyghurlarning tili, tarixi we jughrapiyesi" mawzuluq ilmiy muhakime yighining ehmiyiti toghrisida toxtaldi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet