Exmetjan qasimi tewelludining 100 yilliqi (3)

Muxbirimiz ümidwar
2014-05-07
Élxet
Pikir
Share
Print
Exmetjan qasimi siyasiy kéngesh yighinigha yolgha chiqishtin ilgiri, a'ilisi bilen chüshken süriti. Bu süret exmetjan qasimi ependining hayat waqtida qaldurup ketken eng axirqi süriti. 1049-Yili 22-awghust.
Exmetjan qasimi siyasiy kéngesh yighinigha yolgha chiqishtin ilgiri, a'ilisi bilen chüshken süriti. Bu süret exmetjan qasimi ependining hayat waqtida qaldurup ketken eng axirqi süriti. 1049-Yili 22-awghust.
Social Media

Bu yil, yeni 4-ayning 14-küni, Uyghur xelqining 20-esirde ötken milliy rehberliridin biri, meshhur dölet erbabi exmetjan qasimi tughulghanliqining 100 yilliq xatire künidur.

Exmetjan qasimi ghulja inqilabining birinchi künidin tartip qatniship, sherqiy türkistan jumhuriyet hökümitining teshkili tüzümlirini ornitishqa, kéyinrek herbiy bölümni bashqurup, herbiy ishlarni bir terep qilishqa mes'ul bolghan idi.

Tarixchi, siyasiyon qehriman ghojamberdining yézishiche, 1945-yili, 10-ayda jumhuriyet hökümiti exmetjan qasimigha polkowniklik herbiy unwani bergen shuningdek marshal elixan töre bashchiliqida général is'haqbeg, général palénow, polkownik exmetjan qasimi, polkownik kérim hajidin ibaret 5 kishilik herbiy ishlar komitéti qurulghan.

Exmetjan qasimi 1945-yili, 3-aydin taki 1946-yili, 6-ayghiche herbiy bölümni bashqurghan bolup, u milliy armiyining qurulushi, herbiy xizmetke chaqirish hemde mejruh herbiylerni orunlashturush we bashqa ishlargha yétekchilik qilghan idi. Milliy armiyining qurulushidin tartip barliq urush pilanliri exmetjan qasimining qatnishishi we riyasetchilikide tüzüldi hem ishqa ashuruldi.

Exmetjan qasimi rusche tilni yaxshi bilgenliki üchün sowét ittipaqidin kelgen herbiy meslihetchiler bilen herbiy pilan ishlirida pikir almashturatti hemde ularning herbiy hujum pilanlirini toghra tüzüsh, yer namliri we xeritilerni toghra békitishide muhim rol oynidi.

Exmetjan qasimining yénida herbiy bölümde xizmet qilghan sabiq milliy armiye kapitani merhum mexmut parmashéf hayat waqtida, yeni 2004-yili ziyaritimizni qobul qilip, exmetjan qasimining herbiy bölümde qilghan xizmetlirige yuqiri baha bergen idi. Mexmut parmashéfning éytishiche, exmetjan qasimi rehberlik qilghan herbiy bölümde hashir wahidi, seydexmet ömerof, mexmut parmashéf qatarliq 5 kishi ishligen. Exmetjan qasimi pütün xizmetlerge yétekchilik qilatti. Xizmetlerde nahayiti estayidil bolup, her küni dégüdek hemmidin burun ishqa chüshüp, hemmidin kéyin kétetti. Sherqiy türkistan jumhuriyitining hemme herbiy ishliri exmetjan qasimining aldidin ötetti.

Programmining bügünki qismida exmetjan qasimining 1945-yilliridiki pa'aliyetlirige a'it bayanlarni yuqiridiki awaz ulinishidin anglaysiler.

Toluq bet