Exmetjan qasimi tewelludining 100 yilliqi (4)

Muxbirimiz ümidwar
2014-06-12
Élxet
Pikir
Share
Print
Exmetjan qasimi bilen abdukérim abbasof söhbette. 19947-Yili, nenjing.
Exmetjan qasimi bilen abdukérim abbasof söhbette. 19947-Yili, nenjing.
erktv.com

Bu yil 4-ayning 14-küni 1944-1949-yilliridiki milliy azadliq inqilabining rehberliridin biri, bolupmu 1947-1949-yilliri arisida milliy azadliq herikitige biwasite rehberlik qilghan merhum exmetjan qasimining tewelludigha 100 yil toshti.

Exmetjan qasimi tewelludining 100 yilliqigha a'it bir yürüsh programmilirimizning bügünki qismida exmetjan qasimining 1945-yili 10-ayda tinchliq söhbiti, birleshme hökümet we birleshme hökümet buzulup, ghuljigha qaytip kelgendin kéyin élip barghan pa'aliyetliri bayan qilinidu.

Qazaqistandiki Uyghur tarixchisi we siyasiyon, "Uyghurlar" namliq bir qanche tarixiy kitabning aptori qehriman ghojamberdi özining yéqinda rus we Uyghur tilida élan qilghan mexsus exmetjan qasimining hayat pa'aliyetlirige a'it maqaliside exmetjan qasimi heqqide etrapliq toxtalghan idi.

U, exmetjanning bu dewrdiki ish izliri heqqide toxtilip, uning Uyghur qatarliq yerlik milletlerning milliy we siyasiy menpe'etlirini qoghdash we iqtisadiy, medeniy hayatini güllendürüsh üchün hesse qoshqanliqini mu'eyyenleshtürdi. Uning qarishiche, exmetjan qasimi öz shara'itida Uyghur qatarliq yerlik milletlerning menpe'etlirini qoghdash yolida tirishchanliq körsetken, özining pütün küch-quwwitini ata qilghan kishi idi. Uning dewride milliy armiye qurulushi kücheytildi, ma'arip we medeniyet hemde iqtisad tereqqiy qaldurulup, gomindang hökümranliqi astidiki yette wilayettikidin ewzel hayat shara'iti yaritildi. U, özining qabiliyiti we japaliq emgekliri bilen xelqning hörmitige sazawer boldi.

Qazaqistanda yashap wapat bolghan, sabiq milliy armiye ofitséri, exmetjan qasimining yénida xizmet qilghan shuningdek "Uyghurname" namliq kitabning aptori sabit abduraxman Uyghuriy hayat waqtida radi'omiz ziyaritini qobul qilip, exmetjan qasimigha yuqiri baha bergen idi. Uning éytishiche, exmetjan qasimi xelqning söygüsige érishken rehber bolup, inqilabqa qatnashqanlar, uning sepdashliri we xelq uni héchqachan untup qalmaydu.

Merhum sabit abduraxmanning bahasi bilen jumhuriyet bash katipi merhum abdurewup mexsum ibrayimi we exmetjan qasimining yénida xizmet qilghan kapitan merhum mexmut parmashéwning bahaliri birdek idi.

Tepsilatini yuqiridiki awaz ulinishidin anglighaysiler.

Toluq bet