Almatada dölet we jama'et erbabi exmetjan qasimining 100 yilliqi xatirilendi

Ixtiyariy muxbirimiz oyghan
2014-12-23
Élxet
Pikir
Share
Print
Quddus ghojamyarof namidiki jumhuriyetlik dölet Uyghur muzikiliq komédiye tiyatirida ötküzülgen, exmetjan qasimi tughulghanliqining 100 yilliqigha béghishlan'ghan tentenilik pa'aliyettin körünüsh. 2014-Yili 22-dékabir, almata.
Quddus ghojamyarof namidiki jumhuriyetlik dölet Uyghur muzikiliq komédiye tiyatirida ötküzülgen, exmetjan qasimi tughulghanliqining 100 yilliqigha béghishlan'ghan tentenilik pa'aliyettin körünüsh. 2014-Yili 22-dékabir, almata.
RFA/Oyghan

22-Dékabirda quddus ghojamyarof namidiki jumhuriyetlik dölet Uyghur muzikiliq komédiye tiyatirida sabiq sherqiy türkistan jumhuriyitining dölet we jama'et erbabi exmetjan qasimi tughulghanliqining 100 yilliqigha béghishlan'ghan tentenilik pa'aliyet bolup ötti.

Qazaqistan Uyghurlirining jumhuriyetlik étnomedeniyet merkizi uyushturghan mezkur murasimgha almata shehiri we almata wilayitige qarashliq yézilardin kelgen yurt-jama'etchilik, ziyaliylar, milliy inqilab qatnashquchiliri, yashlar, jem'iyetlik birleshmiler, ammiwi axbarat wasitiliri wekilliri we bashqilar qatnashti.

Exmetjan qasimi heqqide drama esiridin parche we filim körsitilgendin kéyin, merkez re'isi shahimerdan nurumof kichilik pa'aliyetning bashlan'ghanliqini élan qildi. Exmetjan qasimining terjimihali we pa'aliyiti heqqide jumhuriyetlik "Uyghur awazi" gézitining bash muherriri érshat esmetof doklat qildi. Andin sözge chiqqan bilim we pen ministirliqi chuqan welixanof namidiki tarix we étnologiye institutining yétekchi ilmiy xadimi, tarix penlirining namzati elimghazi de'ulétxan, sabiq "Azad sherqiy türkistan" gézitining xadimi wapaxan qurbanof, bilim we pen ministirliqi r. Süléyménof namidiki sherqshunasliq instituti Uyghurshunasliq merkizining yétekchi ilmiy xadimi, filologiye penlirining namzati rehmetjan yüsüpof, siyasetshunas qehriman ghojamberdi, "Alash" edebiy mukapatining sahibi, yazghuchi janat exmedi, qazaqistan yazghuchilar ittipaqi yénidiki Uyghur edebiyati kéngishi re'isi, yazghuchi we dramatorg exmetjan hashirof, shundaqla boris moyéwskiy we bashqilar e. Qasimi heqqide pikirlirini, eslimilirini otturigha qoydi.

Kech axirida milliy inqilab qatnashquchilirigha soghilar tapshuruldi.

Radi'omiz ziyaritini qobul qilghan qazaqistan Uyghurlirining jumhuriyetlik étnomedeniyet merkizining ijra'iy mudiri zuhrullam qurwanbaqiyéf, sherqiy türkistan jumhuriyiti dewride ghuljida yashighan rus boris moyéwskiy we milliy inqilab qatnashquchisi 90 yashliq tursun aka aliyéf bu heqte öz qarashlirini bildürdi.

Toluq bet