Praga shehiride ötküzülgen kishilik hoquq kino féstiwalida Uyghur mesilisi otturigha qoyuldi

Ixtiyariy muxbirimiz erkin tarim
2015-03-10
Share
uyghur-mesilisi-piragda-guentanamo.jpg "Bir dunya" namliq xelq'ara filim féstiwalida roshen abbas xanim gu'antanamodin gunahsiz dep qoyup bérilgen 22 Uyghurning hékayisi teswirlen'gen höjjetlik filim - "Uyghur mehbuslar heqqidiki yalghanlar" ning ishlinishide wezipe ötigen kishi bolush süpiti bilen bu filimni tonushturdi. 2015-Yili mart, chéx paytexti praga.
RFA/Erkin Tarim

"Bir dunya" namliq xelq'ara filim féstiwali chéx paytexti praganing sahibxaniliqida ötküzülüp kéliwatqan muhim kishilik hoquq höjjetlik filim féstiwallirining biri. Nöwette, pragada 2‏-mart bashlan'ghan mezkur filim féstiwalining 17‏-qétimliqi ötküzülüwatidu.

Bu yilliq féstiwalgha kanadaliq filim ishligüchi patrisi'o hénrikyuzning gu'entanamodiki Uyghur tutqunlarni téma qilghan "Uyghur mehbuslar heqqidiki yalghanlar" namliq höjjetlik filimi qatnashturuldi.

Patrisi'o hébrikyuz mezkur filimda gu'entanamogha qamalghan sabiq tutqunlarni, ularning mesilisige arilashqan Uyghur pa'aliyetchilerni ziyaret qilghan. Hénrikyuz filimda gu'entanamodiki Uyghur tutqunlarning hékayisini téma qilghandek qilsimu, emeliyette u Uyghur xelqining ré'alliqini bayan qilidu. Mezkur filim féstiwali munasiwiti bilen, ixtiyariy muxbirimiz erkin tarim filimdiki asasliq pérsonazhlarning biri, gu'entanamodiki Uyghur tutqunlar mesilisige arilashqan pa'aliyetchi roshen abbasni ziyaret qildi.

Amérikida yashawatqan Uyghur insan heqliri pa'aliyetchisi, Uyghur ziyaliysi roshen abbas xanim, éri abdulhékim idris ependi bilen birlikte, chéx jumhuriyitining praga shehiride ötküzülgen "Bir dunya" xelq'ara kishilik hoquq höjjetlik filim féstiwalining teklipige bina'en féstiwalgha qatnashqan. Roshen abbas xanim gu'entanamodin gunahsiz dep qoyup bérilgen 22 Uyghurning hékayisi teswirlen'gen höjjetlik filimning ishlinishide wezipe ötigen kishi bolush süpiti bilen bu filimni tonushturdi. Arqidin, roshen abbas xanim muxbirlarning ziyaritini qobul qilip, piragadiki asasliq gézit, zhurnal we radi'o programmilirida Uyghurlarning hazirqi omumiy ehwalini anglatti.

Pragada ötküzülgen 17-nöwetlik xelq'ara kishilik hoquq filim féstiwalida gu'entanamodiki Uyghurlar anglitilghan höjjetlik filim körsitilgen bolup, bu pa'aliyetke yawropa sherqiy türkistan birlikining mu'awin re'isi kamran tursun, ümid saqi we bashqurush hey'et ezaliridin amire enwer, gülnezer ablet qatarliq 4 yash teklip boyiche myunxéndin piragagha kélip féstiwalning échilish murasimi we so'al-jawab munbirige qatnashqan. Ziyaritimizni qobul qilghan roshen abbas xanim aldi bilen 3-marttin 11-martqiche praga shehiride ötküzülgen bu pa'aliyette Uyghurlar toghrisidiki höjjetlik filimgha orun bérilishning Uyghur dewasi üchün intayin muhim ehmiyetke ige ikenlikini, aldimizdiki künlerde bu höjjetlik filimning amérika, en'gliye, gollandiye we kanada qatarliq döletlerde ötküzülidighan xelq'araliq filim féstiwalliridimu körsitilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet