Hunlar qurultiyi d u q mu'awin re'isi ümid agahini altun midal bilen teqdirlidi

Ixtiyariy muxbirimiz ekrem
2016-08-19
Élxet
Pikir
Share
Print
Hunlar qurultiyi d u q mu'awin re'isi ümid agahini altun midalgha érishti
Hunlar qurultiyi d u q mu'awin re'isi ümid agahini altun midalgha érishti
RFA/Ekrem


Wén'giriye paytexti budapéstta 7-nöwetlik hunlar qurultiyigha qatnishiwatqan d u q mu'awin re'isi ümid agahi ependining bügün chüshtin kéyin bergen melumatlirigha asaslan'ghanda, hunlar qurultiyi uninggha hun - Uyghur munasiwetliri yolida yaratqan töhpisini teqdirlesh üchün, hunlar qurultiyining re'isi patrubaniy miklosning imzasi bilen bir altun midal we bir sherepname teqdim qilghan.

Midal we sherepnamilerge dunya hunlar qurultiyining nami bérilgen. Sherepnamige "Hun - Uyghur qérindashliqi üchün qimmetlik töhpiler qoshqan Uyghur perzentige teqdim" dégendek sözler yézilghan.

Melumki, 7 - nöwetlik hunlar qurultiyi 15 - awghust bashlan'ghan idi. 6 - Nöwetlik turan qurultiyining axirlishishigha ulapla bashlan'ghan bu qurultaygha 40 etrapidiki dölet we rayondin kelgen 980 neperdin artuq wekil qatnashqan. D u q mu'awin re'isi ümid agahi ependimu bu qurultaygha qatniship, hunlar qurultiyining eng aliy midali we aliy sherepnamisige érishken. Hunlar qurultiyi 20 - awghust axirlishidiken.

Bu yil dunya hunlar qurultiyining 70 yilliq xatire dewri bolup, wén'giriye döliti 2 - dunya urushidin kéyin sabiq sowétler ittipaqining mustemlikisige aylinip qalghach, taki 1989 - yilighiche bolghan uzun bir muddet qurultay chaqirish pursitidin mehrum qalghan.

Hunlar qurultiyi d u q mu'awin re'isi ümid agahi ependi érishken altun médal
Hunlar qurultiyi d u q mu'awin re'isi ümid agahi ependi érishken altun médal RFA/Ekrem

Bu qétimqi 7 - nöwetlik qurultay teshkilatning nizamnamisidiki belgilimilerge bina'en, teshkilatning rehberlik qatlimini saylam arqiliq belgilep chiqqan. Patrubaniy miklos yene bir qétim qurultayning re'isi bolup saylan'ghan. U, ümid agahini sehnige teklip qilip, ümid agahining 12 yildin béri Uyghur - hun munasiwetlirini eslige keltürüsh we bu ikki millet otturisidiki qan béghini chéngitish yolida körsetken térishchanliqlirigha yuqiri baha bergen hemde sherepname we midalni öz qoli bilen teqdim qilghan.

D u q mu'awin re'isi ümid agahi ependi sehnide, Uyghur millitining otluq salamlirini yetküzüsh bilen birge, Uyghur diyarining nöwettiki weziyitidin melumatlar bergen. U bu qétimqi mukapat toghrisida toxtalghanda, xitayning Uyghurlarni qérindashliri hunlardin ayrip tashlash, hunlar qurultiyi we turan qurultiyigha qatnashturmasliq qatarliq süyiqest we ziyankeshliklirining meghlup bolghanliqini, 40 tin artuq dölette tarmaq teshkilatliri we ishxaniliri bolghan wén'giriyediki eng chong teshkilat hunlar qurultiyining hun xelqining iradisini dunyagha jakarlighanliqini ilgiri sürdi.
Hunlar qurultiyi d u q mu'awin re'isi ümid agahi ependi érishken mukapatname
Hunlar qurultiyi d u q mu'awin re'isi ümid agahi ependi érishken mukapatname RFA/Ekrem

Wén'giriye aqsöngekler jem'iyitining re'isi, hunlar qurultiyining qurghuchi ezasi, Uyghur mestanisi yanush ependimu bu heqte toxtilip, Uyghur - hun munasiwet réshtini hichkimning buzalmaydighanliqini tilgha aldi. U mundaq deydu: "Uyghurlar hun - türk nesillik milletler ichidiki eng qedimiy, eng medeniyetlik, eng seltenetlik bir millet idi. Hala bügünki kün'ge kelgende, uzun tarixlarda özlirige béqinip, özlirige tiz püküp yashighan bir milletke mustemlike bolup qaldi. Uyghurlar dölet qurup, medeniyetlik sheherlerni berpa qilip yashighan u dewirlerde, nurghun milletler yawayiliq tebi'itidin téxi ayrilmighan. Hun bilen Uyghurning menggü ayrilmaydighan bir qelb rishti bar, ortaq bir hékayisi we ortaq bir tarixi bar. Bügün hunlar qurultiyining aliy midaligha érishken Uyghur oghlani ümid agahi, ayrilip ming yildin kéyinki bügünki künde bu hékaye we tarixning betlirini waraqlashqa, türkiy milletlerning ejdadi bolghan hun - Uyghur milletlirining qelb réshtini qaytidin chingitishqa zor hesse qoshti. Uningdin yalghuz Uyghurlarla emes, biz majarlarmu pexirlinimiz."

Ümid agahining bildürüshiche, u 2004 - yilidin bashlapla hunlar bilen alaqe ornitishqa bashlighan bolup, hetta Uyghurlar bilen qan béghi bolghan saklar, changgolar qatarliq ruminiye, moldawiye elleride yashaydighan nesildash milletlernimu izdep tépish yolida zor ejir serp qilghan.

Melum bolghinidek, bu yil awghust aylirining 12 - 14 - künliri wén'giriye paytexti budapéshitta chaqirilghan 6 - nöwetlik turan qurultiyida Uyghurlar majar xelqining chungqur hörmitige na'il bolghan idi. Ümid agahining bugün wén'giriyediki eng nopuzluq teshkilat bolghan hunlar qurultiyining altun midaligha érishishi, Uyghurlarni tebi'iy halda söyündüridu.

Toluq bet