Moskwada chaqirilghan Uyghur tetqiqati ilmiy muhakime yighinida némiler otturigha qoyuldi?

Ixtiyariy muxbirimiz erkin tarim
2016-10-27
Élxet
Pikir
Share
Print
Moskwada échilghan Uyghur tetqiqati ilmiy muhakime yighinidin körünüsh. 2016-Yili 23-öktebir, rusiye.
Moskwada échilghan Uyghur tetqiqati ilmiy muhakime yighinidin körünüsh. 2016-Yili 23-öktebir, rusiye.
RFA/Erkin Tarim

23-Chésladin 26-chéslaghiche dawamlashqan yighinda amérika qoshma shtatliri, hindistan, gérmaniye, shiwétsariye, en'gliye, awstraliye, türkiye, teywen, qazaqistan, qirghizistan we rusiye fédératsiyesidin bolup 53 etrapida mutexessis özlirining Uyghurlar toghrisida teyyarlighan ilmiy doklatini oqup ötti. Uyghur ziyaliysi memet'imin ela ependi tünügünki programmimizda yighin'gha ishtirak qilghan mutexessislerni amérika we yawropadin kelgen mutexessisler, ruslar we Uyghur mutexessisler dep üchke ayrishqa bolidighanliqini otturigha qoyghan idi.

Bügünki programmimizda Uyghur tetqiqati ilmiy muhakime yighinida otturigha qoyulghan mesililer toghrisida toxtilimiz.

Mezkur yighinda amérika, en'gliye we yawropa döletliridin kelgen tetqiqatchilarning doklati kishilerning diqqitini tartti. Yighinda amérika awgusta uniwérsitéti tarix oqutquchisi katris sandrine emmaniwél xanimning "Medeniyet inqilabida maw zédungning idé'al yashlarni shekillendürüshi we bu heqtiki teshwiqati" mawzuluq maqalisi bilen awstraliye la trobé uniwérsitéti oqutquchisi le'ibold james ependining "Xitay ölkiliridiki shinjang sinipi toghrisida" mawzuluq doklati we en'gliye sussex uniwérsitéti oqutquchisi mékmuray jamésning "Téximu köp Uyghurgha aylinish" mawzuluq maqaliliride némilerni anglatqanliqini bayan qilimiz.

Awstraliyedin kelgen Uyghur tetqiqatchi memet'imin ela ependi bilen yighin zalida söhbet élip bérip, yighinda bérilgen ilmiy doklatlar toghrisida söhbet élip barduq. U, aldi bilen yighinda oqup ötülgen doklatlarni tématik jehettin tehlil élip barduq.

Yuqiridiki awaz ulinishidin bu heqtiki söhbitimizning tepsilatini anglang.

Toluq bet