Türkiyediki Uyghurlar "Ana til söygüsi" we "Noruz shadliqi" namliq pa'aliyet ötküzmekchi

Ixtiyariy muxbirimiz arslan
2018-03-21
Élxet
Pikir
Share
Print
Türkiyediki Uyghurlar 25-mart küni ötküzmekchi bolghan "'ana til söygüsi' we 'noruz shadliqi'" namliq pa'aliyetning elani. 2018-Yili 21-mart.
Türkiyediki Uyghurlar 25-mart küni ötküzmekchi bolghan "'ana til söygüsi' we 'noruz shadliqi'" namliq pa'aliyetning elani. 2018-Yili 21-mart.
RFA/Arslan

Merkizi istanbuldiki "Uyghur akadémiyesi" ning uyushturushi bilen 2018-yili 25-mart küni istanbulda "Uyghurlarda ana til söygüsi" we "Noruz (köklem) shadliqi" namliq edebiyat-sen'et pa'aliyiti ötküzülmekchi.

Uyghur akadémiyesi bu pa'aliyet arqiliq, Uyghurlarning öz ana tili we medeniyitini qoghdashni meqset qilidiken.

Pa'aliyet küntertipide échilish murasimidin kéyin noruz éshi bérilip, noruz tentenisi qilinidiken hemde Uyghurlardiki noruz bayrimi we uni tebrikleshning muhimliqi toghrisida söz qilinidiken.

Pa'aliyette yene Uyghur sen'etchilerning orundishida noruzluq edebiyat-sen'et nomurliri körsitilidiken.

Uyghur akadémiyesining re'isi abdulhemit qaraxanning bildürüshiche, bu pa'aliyet jeryanida Uyghur ana tilining bügünki qismiti we uni qoghdashning emeliy chare-tedbirliri toghrisida tetqiqatchilar ilmiy maqale teqdim qilidiken. Pa'aliyette yene Uyghur ösmürlerning orundishida ana til edebiyat-sen'et nomurliri körsitilidiken.

Uyghur akadémiyesining re'isi abdulhemit qaraxan ependi, bu pa'aliyetke türkiyediki Uyghurlarning teklip qilin'ghanliqini we türkiyediki Uyghurlarning bu pa'aliyetni her jehettin qollap-quwwetlep bérishini telep qilidighanliqini bildürdi.

Uyghur akadémiyesi 2009-yili qurulghandin bashlap her yili Uyghur ana til xatirilesh pa'aliyiti, Uyghur magistir-doktor oqughuchilar ilmiy muhakime yighini, Uyghur mutepekkurlarni xatirilesh ilmiy muhakime yighini we Uyghur edib, pen-tetqiqatchi hem mutexessisler uchrishishi qatarliq pa'aliyetlerni orunlashturush arqiliq ana tilni qoghdash jehette asasliq rol oynap kelmekte.

Biz bu qétimqi ana tilni qoghdash we noruz bayrimi pa'aliyiti toghrisida pikir-qarashlirini élish üchün yene beykent uniwérsitétining oqutquchi, doktor meghpiret kamal, arel uniwérsitéti oqutquchisi, doktor shewket nasir ependiler bilen söhbet élip barduq.

Toluq bet